आंदोलन:जिल्हाधिकारी कार्यालयासमोर‎ चुलीवर कांदाभजी करून निषेध‎

केंद्र शासनाने गॅस सिलिंडरच्या दरात केलेली‎ वाढ आणि शेतकऱ्यांच्या कांद्याला मिळत‎ नसलेला भाव यामुळे केंद्र शासनाच्या‎ निषेधार्थ सोमवारी सामाजिक कार्यकर्त्यांनी‎ जिल्हाधिकारी कार्यालयासमोर चुलीवर‎ कांदाभजी तयार करुन अनोखे आंदोलन केले.‎ शासनाने स्वयंपाकाचा गॅस सिलिंडर ५०‎ रूपये तर व्यावसायिक सिलिंडर ३५० रुपयांनी‎ दरवाढ केली असून अगोदरच पेट्रोल, डिझेल‎ आदिंच्या वाढलेल्या किमतीमुळे जनता त्रस्त‎ असुन सर्वच जीवनावश्यक वस्तुंमध्ये दरवाढ‎ होऊन महागाई वाढणार असुन जगणे मुश्किल‎ होणार असून दरवाढ रद्द करण्यात यावी.‎

‎‎‎‎‎‎‎‎ कांद्याचे भाव गडगडल्या मुळे कांदा उत्पादक‎ शेतकरी अडचणीत आला आहे.‎ यावेळी डाॅ.गणेश ढवळे, रामनाथ खोड,‎ किष्किंधा पांचाळ, सय्यद सालिहा, शेख‎ युनुस, मिलिंद सरपते, बलभीम उबाळे, शेख‎ मुबीन, शेख मुस्ताक, रमाकांत रेवणवार यांची‎ उपस्थिती होती.‎