मार्गदर्शन:राष्ट्रीय छात्र सेनेमुळे संरक्षण दलात‎ सहभागाची दिशा मिळते: गोळेगावकर‎

एनसीसी विभाग तन-मन-धनाने‎ दिवस-रात्र मेहनत करून छात्र‎ सैनिकांसाठी विविध उपक्रम राबवतो.‎ युवक, युवतींना मुख्य प्रवाहात आणून‎ त्यांना सामाजिक जाणीव करून‎ देण्याचे काम एनसीसीच्या विविध‎ उपक्रमांतून होते. राष्ट्रप्रेम, शिस्त,‎ संघटन या बाबींची जाणीव छात्र सेनेतून‎ होऊन विद्यार्थ्यांना संरक्षण दलात‎ सहभागाची दिशा मिळते, असे‎ प्रतिपादन प्रा.एन.के.गोळेगांवक र यांनी‎ केले.‎ येथील योगेश्वरी शिक्षण संस्थेतील‎ राष्ट्रीय छात्र सेना विभागातील माजी‎ छात्र सैनिकांचा प्रभाकर तात्या‎ प्रतिष्ठानतर्फे सत्कार करण्यात आला.‎ याप्रसंगी गोळेगांवरकर बोलत होते.‎

कार्यक्रमाच्या अध्यक्षस्थानी‎ प्रा.माणिकराव लोमटे होते तर प्रमुख‎ पाहुणे म्हणून माजी मुख्याध्यापक‎ लंकेश वैद्य, मेजर एस.पी.कुलकर्णी,‎ पत्रकार रवींद्र मठपती, भागवत मसने‎‎‎‎‎‎‎‎‎‎‎‎‎‎‎ यांची उपस्थिती होती. पुढे बोलताना‎ गोळेगांवकर म्हणाले, विद्यार्थ्यांची‎ जडणघडण ही त्यांना विकासाच्या‎ दिशेने नेण्यासाठी उपयुक्त ठरते.‎ त्यामुळे शालेय जीवनापासून पालक,‎ शिक्षकांचे विद्यार्थ्यांवरील लक्ष‎ महत्वाचे आहे. यादृष्टीने आपण सर्वांनी‎ कार्यरत राहिले पाहिजे. एनसीसी नेमके‎ हेच काम करत असून राष्ट्राची सेवा‎ करणारी पिढी घडवत आहे, असेही‎‎‎‎‎‎‎‎‎‎‎‎‎‎‎ त्यांनी सांगितले.

प्रा.माणिकराव लोंमटे‎ म्हणाले, ग्रामीण भागातील‎ विद्यार्थ्यांसाठी तसेच ऊसतोड‎ कामगारांच्या मुलांसाठी एनसीसीच्या‎ माध्यमातून योगेश्वरी शिक्षण संस्थेतील‎ मेजर प्रा.एस.पी.कुलकर्णी यांनी विशेष‎ मेहनत घेतली. या मुलांतील कौशल्यांना‎ पुढे आणून नैतिक मुल्यांची रूजवण‎ करत खऱ्या अर्थाने राष्ट्र संरक्षणाच्या‎ कामी येणारी पिढी घडवण्याचे काम‎‎‎‎‎‎‎‎‎‎‎‎‎‎‎ एनसीसी अंबाजोगाई विभागाने केले‎ आहे. मेजर प्रा.एस.पी.कुलकर्णी‎ यांनीही याप्रसंगी ३२ वर्षातील वाटचाल‎ स्पष्ट केली. माजी छात्र सैनिक रचना‎ परदेशी, ऋचा कुलकर्णी व ओंकार‎ रापतवार यांनीही याप्रसंगी मनोगत‎ व्यक्त करत एनसीसीमुळे स्वत:च्या‎ व्यक्तीमत्त्वात झालेल्या बदलांची‎ माहिती दिली. कार्यक्रमाचे आभार‎ प्रदर्शन भागवत मसने यांनी केले.‎

या माजी छात्र सैनिकांचा सन्मान‎ माजी छात्र सैनिक व सध्या पुणे विद्यापीठात‎ डिफेन्समध्ये पीएचडी करणारी विद्यार्थिनी रचना‎ परदेशी, राज्यस्तरीय नाटकामध्ये विशेष प्राविण्य‎ मिळवणारी ऋचा कुलकर्णी व नव संगीतकार‎ म्हणून ख्याती मिळवलेल्या ओंकार रापतवार या‎ माजी छात्र सैनिकांचा सत्कार करण्यात आला. या‎ माजी छात्र सैनिकांनी एनसीसीच्या अनुभवांची‎ शिदोरी कायम कामी येत असल्याचे सांगितले.‎