दिव्य मराठी विशेष:हयात प्रमाणपत्र संकलनासाठी महसूल विभागाची मोहिम‎

संजय गांधी निराधार योजना, श्रावण बाळ‎ योजनेच्या लाभार्थ्यांचे हयात प्रमाणपत्रासह इतर‎ कागदपत्रे गोळा करण्याची जबाबदारी मंडळ‎ अधिकारी, तलाठ्यांकडे सोपविण्यात आली‎ आहे. त्यानुसार प्रत्येक गावात त्यांचा दौरा‎ निश्चित करण्यात आला असून लाभार्थ्यांनी‎ आपली कागदपत्रे त्यांच्याकडे जमा करावीत,‎ असे आवाहन केज तहसील कार्यालयातील‎ संबधित विभागाच्या नायब तहसीलदार आशा‎ वाघ यांनी केले आहे.‎

केज येथील तहसील कार्यालयाच्या संजय‎ गांधी निराधार योजना विभागामार्फत श्रावण‎ बाळ योजनेच्या लाभार्थ्यांना हयात प्रमाणपत्र,‎ बँकेचे पास बुक व आधार कार्ड तर संजय गांधी‎ निराधार योजनेच्या लाभार्थ्यांना हयात‎ प्रमाणपत्र, आधार कार्ड, बँक पासबुक, विधवा,‎ परित्यक्ता, घटस्फोटीत महिलांसाठी मुलांचे‎ आधार कार्डच्या झेरॉक्स प्रति सादर करण्याच्या‎ सूचना देण्यात आल्या होत्या. संबधित‎ कागदपत्रे दाखल करण्यासाठी येणाऱ्या वयोवृद्ध‎ लाभार्थ्यांची होणारी हेळसांड लक्षात घेऊन‎ आता गावात मंडळ अधिकारी, तलाठी‎ यांच्यामार्फत लाभार्थ्यांकडून कागदपत्रे गोळा‎ करण्याचा कार्यक्रम हाती घेण्यात आला आहे.‎

त्यानुसार संबधित सज्जाचे मंडळ अधिकारी व‎ तलाठी हे पुढे दिलेल्या तारखेस गावात‎ उपस्थित राहणार असून ६ फेब्रुवारी रोजी‎ काळेगाव घाट, नाव्होली, बेलगाव, केळगाव,‎ दैठणा, राजेगाव, ७ फेब्रुवारी रोजी बोरगाव,‎ वरपगाव, भोपला, कापरेवाडी, ८ फेब्रुवारी रोजी‎ कोरेगाव, मस्साजोग, जाधवजवळा, शिरपुरा. ९‎ फेब्रुवारी रोजी साळेगाव, मांगवडगाव,‎ बोबडेवाडी, लाखा. १० फेब्रुवारी रोजी‎ माळेगाव, गोटेगाव, सोनेसांगवी - १ व २,‎ मोटेगाव, गांजी, सुकळी. १३ फेब्रुवारी रोजी‎ सारणी ( सां. ), एकुरका, सांगवी,‎ माळेवाडी,धोत्रा. १४ फेब्रुवारी रोजी‎ चंदनसावरगाव, होळ, बनकारंजा. १५ फेब्रुवारी‎ रोजी उंदरी, आडस, केकतसारणी,‎ केकानवाडी. १६ फेब्रुवारी रोजी चिंचोली माळी,‎ हादगाव, टाकळी, सारुकवाडी, डोका,‎ सातेफळ, कदमवाडी, डोणगाव. १७ फेब्रुवारी‎ रोजी सोनीजवळा, आनंदगाव, पाथरा, सारणी‎ (आं.). २०फेब्रुवारी रोजी जवळबन,‎ सावळेश्वर, पैठण, भाटूंबा. २१ फेब्रुवारी रोजी‎ युसूफवडगाव, धनेगाव, सादोळा, भालगाव,‎ बावची, आनेगाव. २२ फेब्रुवारी बनसारोळा,‎ सौंदाना, आवसगाव, कौडगाव, इस्थळ,‎ नायगाव, वाकडी. २३ फेब्रुवारी बोरीसावरगाव,‎ लाडेगाव, औरंगपूर, कानडीबदन, दिपेवडगाव,‎ पळसखेडा. २४ फेब्रुवारी रोजी लाडेवडगाव,‎ कळंबअंबा, मानेवाडी. २७ फेब्रुवारी लव्हुरी,‎ येवता, जिवाचीवाडी, नागझरी या गावात हजर‎ राहतील.‎

नागरिकांची सोय‎ महत्वाची‎ हयात प्रमाणपत्र जमा‎ करण्यासाठी विविध योजनेच्या‎ लाभार्थ्यांची धावपळ होऊ नये,‎ यासाठी प्रशासनाने गावात‎ अधिकारी प्राधिकृत करून‎ कागदपत्रे संकलनासाठी‎ पुढाकार घेतला आहे. त्यामुळे‎ संबंधितांनी आपले हयात‎ प्रमाणपत्र सादर करावे.’-‎ आशा वाघ, नायब‎ तहसीलदार, केज.‎