अंधश्रद्धा विरोधी नाटिका सादर:अंबाजोगाईच्या पोद्दार‎ स्कूलमध्ये विज्ञान दिन‎

येथील पोदार इंटरनॅशनल स्कूलमध्ये‎ राष्ट्रीय विज्ञान दिवस उत्साहात साजरा‎ केला. प्रमुख अतिथी म्हणून डॉ. शुभदा‎ लोहिया आणि डॉ. सीमा लोमटे यांची‎ उपस्थिती होती.‎ मान्यवरांनी डाॅ. सी.व्ही. रमन यांच्या‎ प्रतिमेस पुष्पहार घालून अभिवादन‎ केले. मान्यवरांचा शाळेचे प्राचार्य‎ किर्तीकुमार देशमुख यांनी मानचिन्ह‎ आणि पुष्पगुच्छ देऊन सत्कार केला.‎ कार्यक्रमाची सुरुवात शाळेतील‎ शिक्षक सुशीलकुमार हतागळे यांनी‎ स्वागतपर भाषणाने केली. त्यानंतर‎ इयत्ता नववीतील विद्यार्थ्यांनी‎ अंधश्रद्धा विरोधी नाटिका सादर केली.‎

डॉ. शुभदा लोहिया आणि डॉ. सीमा‎ लोमटे यांनी आपल्या भाषणातून‎ पर्यावरणाचे रक्षण आणि संवर्धन ही‎ काळाची गरज असून, त्यात युवा पिढी‎ आणि विद्यार्थ्यांचा सहभाग महत्वाचा‎ आहे असे मत मांडले. त्यानंतर त्यांनी‎ विद्यार्थ्यांना एक प्रकल्प सांगितला.‎ ज्यात विद्यार्थ्यांनी त्यांच्या घरात‎ असलेल्या प्लास्टिक बॅग, चॉकलेटचे‎ रॅपर इ. व्यवस्थितपणे जमा करून‎ प्रत्येक महिन्याला शाळेत आणून‎ द्यायचे आहे. हे जमवलेले प्लास्टिक‎ रिसायकलिंग साठी पाठवण्यात‎ जाईल, जेणेकरून पर्यावरण प्रदूषण‎ नियंत्रित करण्यासाठी आपला खारीचा‎ वाटा राहील. या उपक्रमातून त्यांनी‎ मुलांना सागर मित्र बनण्याचे आवाहन‎ केले.‎