आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

निवड‎:साळेगावच्या उपसरपंचपदी‎ गणेश गालफाडे यांची निवड‎

केज‎एका महिन्यापूर्वी
  • कॉपी लिंक

साळेगाव ( ता. केज ) येथील ग्रामपंचायतीच्या‎ उपसरपंच पदी गणेश मरीबा गालफाडे यांची‎ निवड करीत अनुसूचित जाती प्रवर्गाला‎ प्रतिनिधित्व करण्याची संधी सरपंच कैलास‎ पाटील यांनी दिली आहे.‎ साळेगाव येथील ग्रामपंचायतीच्या‎ निवडणुकीत भाजपचे जेष्ठ नेते रमेश आडसकर‎ यांच्या नेतृत्वाखाली बहुजन रयत परिषदेचे‎ प्रदेशाध्यक्ष रमेश गालफाडे, विद्यमान सरपंच‎ कैलास पाटील यांनी ग्रामविकास पॅनल उभा केला‎ होता. सरपंच पदाची निवडणूक लढवून सरपंच‎ कैलास पाटील हे पुन्हा निवडून आले आहेत. तर‎ त्यांच्या ग्रामविकास पॅनलचे सर्वाधिक उमेदवार‎ निवडून आले.

याच पॅनलमधून सदस्य पदासाठी‎ मरीबा गालफाडे हे खुल्या प्रवर्गातून निवडून आले‎ होते. उपसरपंच पदासाठी या पॅनलमधील अनेक‎ जण इच्छूक असताना सरपंच कैलास पाटील‎ यांनी अनुसूचित जाती प्रवर्गाला प्रतिनिधित्व‎ करण्याची संधी देण्याच्या उद्देशाने गणेश‎ गालफाडे यांच्या नावावर शिक्कामोर्तब करीत‎ उपसरपंच पदाची माळ त्यांच्या गळ्यात घातली.‎ उपसरपंच निवडीसाठी ग्रामसेवक ओम चोपणे‎ यांच्यासह ग्रामपंचायतीचे सदस्य उपस्थित होते.‎ या ग्रामपंचायतीवर भाजपचे वर्चस्व प्रस्थापित‎ झाले आहे. दरम्यान, येणाऱ्या काळात गावाच्या‎ विकासासाठी प्रयत्न करणार असल्याचे नूतन‎ पदाधिकाऱ्यांनी याप्रसंगी सांगितले. यावेही‎ ग्रामस्थांचीही उपस्थिती होती.‎

बातम्या आणखी आहेत...