सोहळा:श्री क्षेत्र गौतमऋषी देवस्थानास धाकटी‎ ब्रह्मगिरीचे माहात्म्य : राजेंद्र मस्के‎

श्री क्षेत्र महर्षी गौतमऋषी संस्थान पालवन येथे‎ पंचदिनात्मक हरिहर महायज्ञ मूर्ती प्राणप्रतिष्ठा व‎ कलशरोहण सोहळा श्री क्षेत्र नारायण गडाचे‎ महंत गुरुवर्य शिवाजी महाराज यांच्या हस्ते आणि‎ गौतमऋषी देवस्थानचे महंत श्रीरंग महाराज डोंगरे‎ यांच्या मार्गदर्शनाखाली, भारतीय जनता पार्टीचे‎ जिल्हाध्यक्ष राजेंद्र मस्के यांच्यासह विविध‎ क्षेत्रातील मान्यवर आणि पंचक्रोशीतील हजारो‎ भाविक भक्तांच्या साक्षीने झाला.‎

श्री. क्षेत्र गौतमऋषी देवस्थान जिल्ह्यात‎ भाविक भक्तांच्या श्रद्धेमुळे विख्यात झाले असून‎ दर अमावस्येला भाविक भक्तांची दर्शनासाठी‎ गर्दी असते. या देवस्थानवर येणाऱ्या भाविक‎ भक्तांच्या सोयीसाठी रस्ता, नाल्या, लाईट, पाणी‎ अशा मुलभूत सुविधा उपलब्ध करून देण्याचा‎ प्रयत्न केलेला आहे. संक्रांति दरम्यान त्र्यंबकेश्वर‎ ब्रह्मगिरी प्रदक्षिणेसाठी अलोट गर्दी असते.

त्याच‎ धर्तीवर बीड व पंचक्रोशीतल भाविकांची‎ प्रदक्षिणेसाठी गर्दी होते. गेली अनेक वर्षांपासून‎ प्रदक्षिणेची परंपरा भक्तांनी संवर्धित केली असून,‎ या देवस्थानचा महिमा महाराष्ट्रभर पसरेल असा‎ आशावाद व्यक्त करून या संस्थानच्या‎ विकासासाठी आपण कायम प्रयत्नशील राहू‎ असा विश्वास भारतीय जनता पार्टीचे‎ जिल्हाध्यक्ष राजेंद्र मस्के यांनी भाविक भक्तांना‎ संबोधित करताना दिला.‎

महर्षी गौतम ऋषीच्या पदस्पर्शाने पावन‎ झालेल्या प्राचीन तपोभूमीत संत महंत‎ ऋषीमुनींच्या कृपा आशीर्वादाने भाविक‎ भक्तांच्या विशेष परिश्रमातून श्री त्र्यंबकेश्वर‎ महादेव व श्री रुक्मिणी पांडुरंगाचे भव्य नतून‎ मंदिराचे व शिखराचे बांधकाम पूर्ण करण्यात‎ आले आहे. या मंदिरामध्ये श्री त्र्यंबकेश्वर श्रीनंदी‎ श्रीरुक्मिणी पांडुरंग श्रीकैवल्य साम्राज्य ज्ञान‎ चक्रवर्ती श्री ज्ञानोबाराय श्रीमंत जगद्गुरु श्री‎ तुकोबाराय व महंत श्री गुरु महादेव बाबा यांच्या‎ नतुन मूर्ती प्राणप्रतिष्ठा व कलशारोहण तथा‎ पंचकुंडात्मक पंचदिनी हरीहर महायज्ञ अशा‎ भव्य महासोहळ्याचे गेल्या चार दिवसांच्या‎ कालावधीमध्ये आयोजन करण्यात आले होते.‎