आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:जल जीवन मिशनच्या घोटाळ्याची एसआयटी चौकशी करा‎

बीड‎एका महिन्यापूर्वी
  • कॉपी लिंक

बीड जिल्ह्यात जल जीवन‎ मिशनमध्ये झालेल्या घोटाळ्याची ‎ ‎ एसआयटीमार्फत चौकशी‎ करण्याची मागणी सामजिक‎ कार्यकर्ते डॉ. गणेश ढवळे आणि ‎संभाजी सुर्वे यांनी उपमुख्यमंत्री‎ देवेंद्र फडणवीस यांच्याकडे ‎निवेदनाद्वारे केली आहे.‎ बीड जिल्ह्यात जलजीवन‎ मिशन योजनेच्या माध्यमातून ‎राबवण्यात येणाऱ्या‎ पाणीपुरवठ्याच्या कामात‎ कोट्यवधींचा घोटाळा झाल्याचा‎ आरोप सातत्याने केला जात आहे.‎

यासाठी चौकशी समितीही नियुक्त‎ केली गेली असून काही जणांवर‎ फौजदारीची कारवाई करण्याची‎ शिफारसही केली गेली आहे.‎ निविदा प्रक्रिया आणि कामे देण्यात‎ मोठ्या प्रमाणावर अनियमितता‎ झाल्याने जलजीवन मिशन ही‎ योजना जिल्ह्यात चर्चेत आहे.‎ यातील एक तक्रारदार संभाजी सुर्वे‎ यांच्यावर प्राणघातक हल्लाही‎ झाला होता.‎ दरम्यान, शनिवारी राज्याचे‎ उपमुख्यमंत्री देवेंद्र फडणवीस हे‎ बीड जिल्हा दौऱ्यावर आले‎ असताना भ्रष्टाचार विरोधी‎ समितीचे राज्य कार्याध्यक्ष डॉ.‎ गणेश ढवळे यांनी त्यांची भेट‎ घेतली.

जलजीवन मिशन घोटाळा‎ प्रकरणात एसआयटीमार्फत‎ चौकशी करावी, जिल्हा परिषदेचे‎ मुख्य कार्यकारी अधिकारी अजित‎ पवार, तत्कालीन प्रकल्प संचालक‎ तथा उपमुख्य कार्यकारी अधिकारी‎ प्रदीप काकडे, कार्यकारी अभियंता‎ दादाराव डाकोरे आणि कक्ष प्रमुख‎ नामदेव उबाळे, सहाय्यक‎ लेखाधिकारी बाळासाहेब वीर,‎ टेंडर प्रमुख शिवाजी चव्हाण यांची‎ चौकशी करुन त्यांच्या विरुद्ध‎ संघटीत गुन्हेगारी कायद्यांतर्गत‎ कारवाई करण्याची मागणी केली.‎

तसेच ग्रामीण पाणीपुरवठा जिल्हा‎ परिषद विभागातील कार्यालयास‎ लागलेली संशयास्पद आग व‎ सामाजिक कार्यकर्ते तथा‎ तक्रारदार संभाजी सुर्वे यांच्यावर‎ हल्ला करणाऱ्या हल्लेखोरांवर‎ कठोर कारवाई करण्यात यावी‎ अशी मागणी निवेदनात केली गेल‎ आहे.‎ उपमुख्यमंत्र्यांचा सकारात्मक‎ प्रतिसाद : या प्रकरणात सखोल‎ चौकशी करून या प्रकरणातील‎ दोषींवर योग्य ती कठोर कारवाई‎ करू असा सकारात्मक प्रतिसाद‎ उपमुख्यमंत्री देवेंद्र फडणवीस‎ यांनी दिला आहे, अशी माहिती‎ डॉ. ढवळे यांनी दिली.‎‎

बातम्या आणखी आहेत...