बालकाचा मृत्यू:वडवणी येथे झोपेत दोन चिमुकल्यांना सर्पदंश; एका बालकाचा मृत्यू

झोपेत असलेल्या दोन भावंडांना विषारी सापाने दंश केला. यात एका बालकाचा मृत्यू झाला. बीड जिल्ह्यातील वडवणी शहरात गुरुवारी पहाटे ही घटना घडली.

आदर्श ऊर्फ सागर बाळू गायकवाड (४) व आर्यन गायकवाड(६) हे दोन भाऊ आई-वडिलांसह वडवणी येथे राहतात. गुरुवारी पहाटे झोपेत असताना दोघा भावंडांना सापाने दंश केला. आई-वडिलांनी मुलांना खासगी रुग्णालयात नेले. यादरम्यान, आदर्शला पुढील उपचारासाठी बीड जिल्हा रुग्णालयात दाखल करण्यात आले. डॉक्टरांनी तपासणी करून रुग्णालयात येण्यापूर्वीच बालकाचा मृत्यू झाल्याचे निदान केले.