बीड जिल्ह्यात होळीची परंपरा कायम:जावई अविनाश करपे हे गर्दभ सवारीचे मानकरी, मध्यरात्री उचलून जावयाची गाढवावर मिरवणूक

विडा (ता. केज) येथे धुलिवंदनाच्या सणाला जावईबापूंची गाढवावरून वाजत-गाजत मिरवणूक काढण्याची परंपरा गावकऱ्यांनी यावर्षीही कायम ठेवली. जवळबन (ता. केज) येथील अविनाश करपे हे जावई यावर्षीच्या गर्दभ सवारीचे मानकरी ठरले. धुळवडीच्या दोन दिवस आधी तरुणांनी एकत्र येऊन जावई शोध समिती नेमली. वेगवेगळी पथके करून जावयांची शोधमोहीम सुरू झाली होती. जावईबापू शोधण्यासाठी पथकाला मोठी कसरत करावी लागली. रात्री उशिरापर्यंत जावई हाती लागले नाहीत. मात्र, तरुणांनी धुलिवंदनाच्या आदल्या दिवशी मध्यरात्री २ वाजता अविनाश हरिभाऊ करपे या जावयाला झोपेतच उचलून विड्याला आणले. अविनाश हे युवराज पटाईत यांचे जावई. धुळवडीदिवशी सकाळी ग्रामपंचायतीसमोर चपलेचा हार घातलेल्या गाढवावर जावयाला बसवण्यात आले. त्यानंतर मिरवणुकीला सुरुवात झाली. अविनाश करपे यांना सासरे पटाईत यांच्यातर्फे अंगठी भेट देण्यात आली.

मिरवणुकीत रंगांची मुक्त उधळण, ढोल-डीजेचा ताल रंगाचे बॅरल भरून त्यातून मुक्त उधळण करीत ढोल-बाजा, डीजेवरील गाण्यांच्या तालावर तरुण मंडळी थिरकली. रस्त्याच्या दुतर्फा घरांवर थांबलेल्या महिलांकडूनही मिरवणुकीवर रंगाची उधळण करण्यात आली. गावातील प्रमुख रस्त्यांवरून मिरवणूक काढून ग्रामदैवत राजा हनुमान मंदिरासमोर मिरवणुकीचा समारोप झाला. लोकवर्गणीतून जमलेल्या पैशांतून खरेदी केलेल्या कपड्यांचा आहेर गावातील प्रतिष्ठितांच्या हस्ते जावई

१९१५ पासून गर्दभ मिरवणुकीची परंपरा केज तालुक्यातील विडा या ७ हजार लोकसंख्येच्या गावाला निजाम काळात जहागिरी होती. तर सन १९१५ साली जहागीरदार तत्कालीन ठाकूर आनंदराव देशमुख यांचे बाळानाथ चिंचोली (जि. लातूर) येथील मेहुणे धुलिवंदानाच्या दिवशी सासुरवाडी विडा येथे आले होते. त्यांचा खास थाटमाट करीत खाण्याबरोबर भांग पिऊन तसेच थट्टामस्करी करीत गाढवावर बसून गावातून मिरवणूक काढण्यात आली. तेव्हापासून जावयांची गाढवावरून मिरवणूक काढण्याची परंपरा सुरू झाली.