पायीदिंडी‎:छत्रपती शिवाजी महाराज चौकातील‎ पुतळा सुशोभीकरण काम रखडले‎

बीड शहरातील मध्यवर्ती असलेल्या‎ छत्रपती शिवाजी महाराज‎ चौकातील पुतळ्याच्या संरक्षक भिंत‎ व सुशोभीकरणाचे काम‎ औरंगाबादप्रमाणे दर्जेदार करण्यात‎ यावे या मागणीसाठी सामाजिक‎ कार्यकर्ते डाॅ.गणेश ढवळे यांच्या‎ नेतृत्वाखाली शुक्रवार ३ फेब्रुवारी‎ २०२३ रोजी बीड तालुक्यातील‎ लिंबागणेश ते शिवतिर्थ बीड अशी‎ टाळमृदंगाच्या गजरात पायीदिंडी‎ काढण्यात येणार आहे.‎ बीड शहरातील छत्रपती शिवाजी‎ महाराज चौकातील‎ पुतळ्याभोवतीच्या संरक्षक भिंतींचे‎ काम निकृष्ट होत असल्यामुळे‎ शिवप्रेमींनी काही दिवसापूर्वी ते बंद‎ पाडले होते.

सदरील काम‎ औरंगाबाद प्रमाणे दर्जेदार करण्याची‎ गरज आहे. या बाबत शिवप्रेमींनी‎‎‎‎‎‎‎‎‎‎‎‎‎‎ बीड नगर पालिकेच्या मुख्याधिकारी‎ नीता अंधारे यांच्याकडे मागणी‎ केली होती. दरम्यान मुख्याधिकारी‎ अंधारे यांनी बाबत बैठक घेऊन‎ लवकरात लवकर काम करण्याचे‎ आश्वासन दिले होते. दरम्यान‎ शिवजन्मोत्सव अवघ्या काही‎ दिवसांवर येवुन ठेपला असून‎ अजुनही प्रत्यक्ष कामाला सुरूवात‎‎‎‎‎‎‎‎‎‎‎‎‎‎ झालेली नाही. त्यामुळे संरक्षक भिंत‎ व सुशोभकरण तातडीने करावे या‎ मागणीसाठी सामाजिक कार्यकर्ते‎ डाॅ.गणेश ढवळे यांच्या‎ नेतृत्वाखाली शुक्रवार ३ फेब्रुवारी‎ २०२३ रोजी बीड तालुक्यातील‎ लिंबागणेश ते शिवतिर्थ बीड अशी‎ टाळमृदंगाच्या गजरात पायी दिंडी‎ काढण्यात येणार आहे