जागतिक एड्स‎ प्रतिबंधक:एचआयव्हीग्रस्तांच्या हिताची पावले उचलावीत

१ डिसेंबर ते ३१ डिसेंबर हा महिना जागतिक एड्स‎ प्रतिबंधक जनजागृती महिना म्हणून संपुर्ण जगभर‎ साजरा होतो. बीड शहर व परिसरात या उपक्रमांतर्गत‎ जनजागृती करण्यात आली.‎ सामाजिक सुरक्षा योजने अंतर्गत समुदायाला लागू‎ असणाऱ्या शासकीय योजना जसे की, संजय गांधी‎ निराधार अनुदान योजना,अंत्योदय अन्न सुरक्षा‎ योजना, बालसंगोपन योजना तसेच इतर सामाजिक‎ योजनेचा लाभ मिळावा म्हणून राज्यभरातील ४०‎ संस्थेच्या माध्यमातून हा उपक्रम राबवण्यात आला.

या‎ उपक्रमात एनएमपीसोबत सामाजिक कार्य करत‎ असलेल्या सामाजिक संस्थांनी समुदायाला लागू‎ असलेल्या योजनेसाठी आवश्यक असलेल्या‎ कागदपत्रांमध्ये विशेषत: २१ हजार रूपये उत्पन्न‎ प्रमाणपत्राची अट शिथिल करावी. बालसंगोपन‎ योजना समुदायातील बालकांच्या शिक्षणासाठी‎ प्रभावीपणे राबवण्यास मदत करावी आणि सर्वांना‎ अंत्योदय अन्न सुरक्षा योजना किंवा पात्र लाभार्थ्यांना‎ दारिद्र्य रेषेखालील शिधापत्रिका वितरीत करावी‎ अश्या आशयाचे निवेदन प्रत्येक जिल्ह्यातील‎ जिल्हाधिकारी यांना देण्यात आले. बीड येथे हेल्थ‎ केअर कम्युनिटी ऑफ पॉझिटिव्ह पीपल्स आणि‎ विहान प्रकल्प बीडच्या वतीने जिल्हाधिकारी शर्मा‎ यांना निवेदन देण्यात आले.‎