गुन्हा दाखल:अंबाजोगाईत वऱ्हाडाच्या खासगी बसवर दगडफेक, गुन्हा दाखल

वऱ्हाडाच्या खासगी बसवर दगडफेक करुन दीड लाख रुपयांचे नुकसान केल्याची घटना अंबाजोगाई पंचायत समिती समोर घडली. या प्रकरणी सहा जणांविरोधात शहर पोलिस ठाण्यात गुन्हा नोंद करण्यात आला आहे.

सतता महेबुब शेख (६२, रा. उस्मानाबाद) यांनी या प्रकरणी पोलिसांत तक्रार दिली. त्यांच्या तक्रारीनुसार ते एका खासगी ट्रॅव्हल्सवर चालक म्हणून काम करत आहेत. सोमवारी ते परळी येथील लग्न आटोपून वऱ्हाड घेऊन उस्मानाबादकडे बसमधून जात होते. यावेळी अंबाजोगाई शहरात पंचायत समिती समोर त्यांच्या बसला वाहन आडवे लावून नागेश स्वामी, अमोल शेळके, गणेश गोरे, सागर लखेरा, गौरव लखेरा, रोहित वडवणकर यांनी शिविगाळ करुन बसवर दगडफेक केली. यामध्ये, बसचे दीड लाख रुपयांचे नुकसान झाले. या प्रकरणी सहा जणांविरोधात ठाण्यात गुन्हा नोंद केला आहे.