आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:ठाण्याला भेट देत विद्यार्थ्यांनी अनुभवले कामकाज‎

गेवराई‎एका महिन्यापूर्वी
  • कॉपी लिंक

गेवराई येथील पोलिस ठाण्यात पोलीस‎ उन्नती दिन सप्ताह या कार्यक्रमाच्या‎ निमित्ताने पोलिस ठाणे हद्दीतील शाळेच्या‎ विद्यार्थी, विद्यार्थिंनी यांनी पोलिस ठाण्याला‎ भेट दिली. यावेळी त्यांनी दैनंदिन कामकाज‎ माहिती तसेच शस्त्राविषयी माहिती जाणून‎ घेतली. तसेच शास्त्री चौक व छत्रपती‎ शिवाजी महाराज चौक या ठिकाणी पोलीस‎ बँड पथकाचे सादरीकरण करण्यात आले.‎ २ जानेवारी हा महाराष्ट्र पोलिस स्थापना‎ दिन असतो. यानिमित्त पोलिस दलाच्या‎ वतीनेे पोलिस उन्नती सप्ताह राज्यभर‎ राबवला जातो.

या माध्यमातून नागरिकांशी‎ सुसंवाद साधून पोलिस आणि नागरिक‎ यांच्यातील दरी कमी करण्याचा प्रयत्न केला‎ जातो. शालेय विद्यार्थ्यांना पोलिस ठाण्यांची‎ भेट घडवून आणली जाते आणि त्यांना‎ कामकाजाची माहिती दिली जाते.‎ बालकांच्या मनात पोलिसांविषयी असलेली‎ भिती दूर व्हावी, त्यांना पोलिसांविषयी‎ आपुलकी वाटावी, अडचणीच्या काळात‎ पोलिस मदतीला येऊ शकतात हा विश्वास‎ वाटावा यासाठी पोलिसांचा विद्यार्थ्यांशी‎ संवादही या सप्ताहाच्या माध्यमातून घडवला‎ जातो.‎

याच निमित्ताने गेवराई पोलिस ठाणत‎ मंगळवारी विविध शाळांच्या २५० विद्यार्थ्यांनी‎ भेट दिली. पोलिस अधिकारी, कर्मचारी यांचे‎ दैनंदिन कामकाज जाणून घेतले. यानंतर‎ शस्त्राविषयी देखील माहिती विद्यार्थ्यांनी‎ माहिती जाणून घेत पोलिस अधिकारी,‎ कर्मचारी यांच्याशी संवाद साधला. यावेळी‎ पोलिस निरीक्षक रविंद्र पेरगुलवार यांच्यासह‎ अधिकारी, कर्मचारी यांची उपस्थिती होती.‎दैनंदिन कामकाज माहिती तसेच शस्त्राविषयी माहिती जाणून घेतली.‎‎

पाेलिस बँड पथकाने वेधले लक्ष‎
उन्नती सप्ताहाच्या निमित्ताने विविध शहरातील प्रमुख चौकांमध्ये पोलिस बँड पथकाचे‎ सादरीकरण करण्यात येत आहे. मंगळवारी पोलिस बँड पथकाने शास्त्री चौक व छत्रपती‎ शिवाजी महाराज चौक याठिकाणी सादरीकरण केले. विविध देशभक्तीपर गिते वाजवून‎ त्यांनी नागरिकांचे लक्ष वेधून घेतले.‎

बातम्या आणखी आहेत...