आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शिक्षण उपक्रम:विद्यार्थ्यांनी सादर केले 380 विविध प्रकल्प‎

गेवराई‎एका महिन्यापूर्वी
  • कॉपी लिंक

शहरातील आर. के. पब्लिक स्कूल व‎ ज्युनिअर कॉलेजच्या वतीने नवनवीन‎ संशोधनावरील महा प्रदर्शन आयोजित‎ करण्यात आले होते. यामध्ये विज्ञान, गणित,‎ भूगोल -पर्यावरण आणि कला व हस्तकला‎ असे चार विभागांतील विद्यार्थ्यांनी प्रकल्प‎ सादर करण्यात आले.‎ या महाप्रदर्शनाचे उद्घाटन अखिल‎ महाराष्ट्र प्राथमिक शिक्षक संघाचे‎ जिल्हाध्यक्ष सुनील कुर्लेकर यांच्या हस्ते‎ झाले. यावेळी शिक्षक नेते अण्णासाहेब‎ लोणकर, पार्थ प्रतिष्ठान संस्थेच्या अध्यक्षा‎ योगिता चाळक, सचिव आर. के. चाळक,‎ प्राचार्य गणेश चाळक, उपप्राचार्य वेनु टी‎ आदी मान्यवर विचार मंचावर उपस्थित होते.‎ शाळेतील शिक्षक रामदास कदम यांनी‎ विज्ञान व तंत्रज्ञानावर आधारित सविस्तर‎ माहिती दिली.

यानंतर सुनील कुर्लेकर यांनी‎ विज्ञान गणितातील संशोधनाचा अविष्कार‎ यावर प्रकाश टाकत विद्यार्थ्यांना मार्गदर्शन‎ केले. यानंतर या “इग्निशन” शैक्षणिक‎ मेळाव्याचे भव्य उद्घाटन करण्यात आले.‎ उद्घाटनप्रसंगी अण्णासाहेब लोणकर यांनी‎ आर. के. पब्लिक स्कूल व ज्युनिअर‎ कॉलेजच्या शैक्षणिक गुणवत्तेवर प्रकाश‎ टाकत मुलांना या प्रदर्शनाचा उपयोग‎ भविष्यात संशोधन क्षेत्रात भरारी घेण्यासाठी‎ नक्कीच होईल असे सांगितले. यानंतर आर.‎ के. चाळक यांनी नविन शैक्षणिक धोरणावर‎ विद्यार्थ्यांना मार्गदर्शन करत भविष्यात या‎ मुलांना शालेय जीवनात तयार केलेल्या‎ वैज्ञानिक प्रतिकृती भावी काळात‎ विद्यार्थ्यांच्या कौशल्याला वाव देणाऱ्या‎ ठरतील असा आशावाद व्यक्त केला.

या‎ “इग्निशन” शैक्षणिक मेळाव्यात नर्सरी ते‎ इयत्ता नववीच्या विद्यार्थ्यांनी विविध प्रयोग‎ सादर केले. या भव्य प्रदर्शनात विद्यार्थ्यांनी‎ जवळपास ३८० प्रकल्प सादर केले. यावेळी‎ विद्यार्थ्यांनी अग्निशमन यंत्र, पवनचक्की,‎ ज्वालामुखी, पाण्याच्या दाबावर चालणारी‎ लिफ्ट, पाण्यात बुडणारे व पाण्यावर तरंगणारे‎ पदार्थ-प्रयोग,ज्वलनास ऑक्सिजन वायू‎ मदत करतो- प्रयोग,सोलर पंप,विजेरिवर‎ चालणारे कुलर,वॉटर हार्वेस्टिंग, पाण्याची‎ टाकी,हृदयाचे कार्य दाखवणारे यंत्र,तरंगणारा‎ फुगा, पाण्यात विरघळणारे व पाण्यात न‎ विरघळणारे पदार्थ-प्रयोग, घर्षण जन्य‎ चुंबकत्व-प्रयोग, हवेलाही वजन‎ असते-प्रयोग , पूर नियंत्रण यंत्र, जलविद्युत‎ निर्मिती, अपघात सूचक यंत्र, ध्वनीपासून‎ वीजनिर्मिती अशा विविध वैज्ञानिक‎ प्रतिकृती मांडण्यात आल्या आहेत. या “‎ इग्निशन” शैक्षणिक मेळाव्याचे सूत्रसंचालन‎ इयत्ता नववीतील विद्यार्थीनी तनिष्का टाक व‎ प्रतीक्षा धुमक यांनी केले. तर ज्ञानेश्वर‎ खरसाडे, गणेश पवार, वैशाली मोटे, रहिम‎ शेख, सुप्रिया जाधव आदी सर्व शिक्षकांनी‎ मेहनत घेतली.‎

भूगोल, गणिताचे प्रदर्शन‎ या प्रदर्शनासह भूगोल विषयांतर्गत हे‎ प्रदर्शन आयोजित करण्यात आले‎ होते. त्यात महाराष्ट्र, राजस्थान,‎ गुजरात, मध्यप्रदेश, पंजाब, केरल,‎ गोवा आदी राज्यांची संस्कृती,‎ वैज्ञानिक तसेच लोकजीवन‎ आदींविषयी विद्यार्थ्यांना माहिती‎ देण्यात आली. गणितातील नव‎ नविन शोध आणि गणिताला सोपे‎ करण्यासाठीचे विविध प्रकल्प सादर‎ करण्यात आले.‎

रॅकेटने वेधले सर्वांचे लक्ष‎ भारतातील विज्ञान आणि‎ तंत्रज्ञानाच्या क्षेत्रात सातत्याने होत‎ असलेल्या प्रगतीचे श्रेयही इंडियन‎ स्पेस रिसर्च ऑर्गनायझेशन‎ (इस्रोला )आणि सर्वच संशोधन‎ संस्थेना जाते. या संशोधन केंद्राची‎ विद्यार्थ्यांना शालेय वयात ओळख‎ व्हावी म्हणून विज्ञान विभागाच्या‎ वतीने भव्य रॉकेट तयार करण्यात‎ आले होते. जीएसएलव्ही बनविलेले‎ हे रॅाकेट लक्ष केंद्रित करून घेत होते.‎

बातम्या आणखी आहेत...