आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

यश‎:सामान्य ज्ञान स्पर्धेत श्री‎ शिवाजी विद्यालयाचे यश‎

बीड‎एका महिन्यापूर्वी
  • कॉपी लिंक

निसर्गभूमी संवर्धन संस्था बीडच्या‎ वतीने गांधी जयंतीचे औचित्य‎ साधून शालेय विद्यार्थ्यांसाठी‎ सामान्य ज्ञान स्पर्धा आयोजित‎ करण्यात आली होती. या स्पर्धेचा‎ निकाल सोमवारी (ता.१९ डिसेंबर)‎ लागला. त्यामध्ये श्री शिवाजी‎ विद्यालयाच्या विद्यार्थ्यांनी‎ तालुकास्तरावर प्रथम, द्वितीय‎ पारितोषिक पटकावले आहे.‎ निसर्ग भूमी संवर्धन संस्थेचे‎ अध्यक्ष अभिमान खरसाडे यांनी‎ विद्यार्थ्यांमध्ये निसर्गप्रेम वाढीस‎ लागावे या हेतूने गांधी जयंतीचे‎ औचित्य साधून शालेय‎ विद्यार्थ्यांसाठी सामान्य ज्ञान स्पर्धा‎ घेतली होती. त्या स्पर्धेचा निकाल‎ सोमवारी लागला.

पाचवी ते‎ सातवीच्या गटात तालुकास्तरावर‎ प्रथम येण्याचा मान श्री शिवाजी‎ विद्यालयाचा सत्यजित महेश मोटे‎ याला मिळाला. त्याला ५०१ रुपये‎ रोख, स्मृतीचिन्ह व प्रमाणपत्र‎ मिळाले तर तालुक्यातून दुसऱ्या‎ येण्याचा मानही शाळेतील राजीव‎ राहुल गोरे या विद्यार्थ्याला मिळाला.‎ त्याला २५१ रुपये रोख, स्मृतीचिन्ह व‎ प्रमाणपत्र प्राप्त झाले. शालेय‎ स्तरावर नयन नाथाराम घोडके, यश‎ बाळासाहेब चव्हाण, अंकिता‎ शहाजी नाईकवाडे यांना स्मृतिचिन्ह‎ व प्रमाणपत्र प्राप्त झाले.

या‎ विद्यार्थ्यांना शाळेतील अध्यापिका‎ व्ही.एम.माळी यांनी मार्गदर्शन केले.‎ या यशाबद्दल संस्था सचिव‎ दिनकरराव कदम, पदाधिकारी‎ ॲड.जगन्नाथराव औटे, शकुंतला‎ लोळगे, पवनराव चौरे, आसाराम‎ सुर्वे, शितल कदम, संस्थेचे‎ व्यवस्थापक बाळासाहेब जगदाळे‎ यांच्यासह मुख्याध्यापक राजेंद्र‎ वाघमारे, उप मुख्याध्यापक‎ राजकुमार कदम ,पर्यवेक्षक बि.डी.‎ मातकर, गिरीष चाळक यांच्यासह‎ सर्व शिक्षक,शिक्षकेत्तर कर्मचारी‎ यांनी स्वागत केले आहे.‎

बातम्या आणखी आहेत...