गाळप हंगाम:केज तालुक्यात 7274 हेक्टरने उसाचे क्षेत्र‎ वाढले, एका साखर कारखान्याची ही भर‎

यंदा परतीच्या पावसाने लहान - मोठ्या प्रकल्पासह‎ मांजरा धरण भरल्याने नगदी पीक म्हणून‎ ओळखल्या जाणाऱ्या ऊस लागवडीकडे शेतकरी‎ वळला आहे. त्यामुळे यंदा खरीप आणि रब्बी‎ हंगामात ७ हजार २७४ हेक्टरने उसाचे क्षेत्र वाढले‎ आहे. मात्र गतवर्षी एका साखर कारखान्यामुळे‎ अतिरिक्त उसाचा प्रश्न ऐरणीवर आला होता. आता‎ गतवर्षीहून अधिक उस लागवडीचे क्षेत्र वाढले‎ असले तरी गंगामाऊली नावाचा दुसरा साखर‎ कारखाना सुरू झाला आहे. त्यामुळे ऊस‎ लागवडीस आणखी चालना मिळाली आहे. त्यात‎ अतिरुक्त उसाचा प्रश्न सुटण्यास मदत होणार आहे.‎ मागील तीन वर्षांपूर्वी सततच्या दुष्काळी‎ परिस्थितीमुळे केज तालुक्यातील उसाच्या क्षेत्रात‎ मोठी घट झाली होती. अशा परिस्थितीत ही‎ असलेल्या उसावर तालुक्यातील आनंदगाव ( सा.‎ ) येथील येडेश्वरी साखर कारखान्याने गाळपात‎ खंड पडू न देता कारखाना सुरू ठेवला होता. उसाचे‎ क्षेत्र वाढीस चालना मिळत राहिली. मात्र गत दोन‎ वर्षापासून केज तालुक्यात पाऊसकाळ चांगला होत‎ असल्याने तालुक्यातील लहान - मोठ्या‎ प्रकल्पासह मांजरा धरण ही ओव्हरफलो होत‎ राहिले. त्यामुळे मांजरा पट्ट्यातील शेतकऱ्यांनी ऊस‎ लागवडीला प्राधान्य दिल्याने हा पट्टा पुन्हा ग्रीन बेल्ट‎ म्हणून नावारूपास आला आहे. तालुक्यातील इतर‎ मंडळाच्या तुलनेत मांजरा पट्ट्यात सर्वाधिक उसाचे‎ क्षेत्र आहे. मात्र आता इतर भागातील शेतकरी लघु‎ सिंचन प्रकल्पासह विहिरी, बोअरला असलेल्या‎ उपलब्ध पाण्यावर ऊस पीक घेऊ लागले आहेत. ‎ ‎

त्यामुळे गतवर्षी खरीप हंगामात तब्बल ५ हजार ५५४ ‎ हेक्टर क्षेत्रावर ऊस पिकाची लागवड करण्यात‎ आली होती. शिवाय रब्बी हंगामात ही ६७० हेक्टर ‎ ‎ क्षेत्रावर ऊस लागवड झाल्याने उसाच्या क्षेत्रात ‎ आणखी वाढ झाली होती. त्यामुळे तालुक्यात अतिरिक्त उसाचा प्रश्न ऐरणीवर आला होता. त्यात ‎ येडेश्वरी साखर काखान्याने गाळप क्षमता वाढवून‎ जून महिना अखेरपर्यंत गाळप सुरू ठेवत ८ लाख‎ ४२ हजार ६१६ मे. टन विक्रमी गाळप केल्याने शेतकऱ्यांना दिलासा मिळाला होता.‎ गतवर्षी अतिरिक्त उसाचा प्रश्न निर्माण झाला‎ होता. मात्र पाणी उपलब्ध असल्याने शेतकऱ्यांनी ‎ यंदाच्या खरीप हंगामात ही ऊस लागवड केली.‎ त्यामुळे खरीप हंगामात ५ हजार १९२ हेक्टर क्षेत्रावर ‎ ऊस लागवड झाल्याने आणखी उसाचे क्षेत्र वाढले. ‎

पुन्हा परतीच्या पावसाने लहान - मोठे प्रकल्प आणि ‎ ‎ मांजरा धरण भरल्याने रब्बी हंगामात ही ऊस ‎ ‎ लागवडीकडे शेतकऱ्यांचा कल राहिला. त्यामुळे‎ रब्बी हंगामात ही तब्बल २ हजार ८२ हेक्टर ऊस‎ लागवड झाल्याने तालुक्यात यावर्षी ७ हजार २७४‎ हेक्टरने उसाचे क्षेत्र वाढले आहे. आता दोन वर्षात‎ तालुक्यात १३ हजार ४९८ हेक्टर क्षेत्र उसाचे झाले‎ आहे. पाऊसकाळ चांगला झाल्याने उसाचे क्षेत्र‎ वाढण्यास चालना मिळाली आहे. तर यावर्षीपासून‎ उमरी फाटा येथील विखे पाटील साखर कारखाना‎ हा बंद पडलेला कारखाना भाडेतत्त्वावर सुरू‎ करण्यात आला असून गंगा माऊली नावाने या‎ ओळखल्या जाणाऱ्या या कारखान्याचे यंदा गाळप‎ सुरू झाले आहे. अतिरिक्त उसाचा प्रश्न सुटण्यास‎ मदत होणार असून ऊस उत्पादक शेतकऱ्यांना‎ दिलासा ही मिळाला आहे.‎ महसूल मंडळ निहाय उसाचे क्षेत्र‎ यंदा केज तालुक्यात खरीप हंगामात ५ हजार १९२‎ हेक्टर तर रब्बी हंगामात २ हजार ८२ हेक्टर उसाची‎ लागवड झाली आहे. तर यंदा लागवड झालेल्या‎ महसूल मंडळ निहाय उसाचे क्षेत्र पुढील प्रमाणे‎ बनसारोळा - २२१२ हे., युसुफवडगाव - १८२३ हे.,‎ चिंचोलीमाळी - १२१० हे., होळ - ५८० हे., केज -‎ ५३१ हे., मस्साजोग - ४०८ हे., नांदूरघाट - २४८ हे.,‎ हनुमंत पिंपरी - २२२ हे., विडा - ४० हेक्टर.‎केज तालुक्यात वाढलेले उसाचे क्षेत्र‎

येडेश्वरीचे १ लाख,‎ गंगामाऊलीचे ४९ हजार मे.‎ टन गाळप‎
आनंदगाव ( सा. ) येथील येडेश्वरी साखर‎ कारखान्याचे २० दिवसात ८६ हजार २७० मे. टन‎ गाळप झाले आहे. तर उमरी फाटा येथील नव्याने‎ सुरू झालेल्या गंगा माऊली साखर कारखान्याचे‎ एक महिन्याच्या कालावधीत ४९ हजार मे. टन‎ गाळप झाले आहे.‎

येडेश्वरीचे १ लाख,‎ गंगामाऊलीचे ४९ हजार मे.‎ टन गाळप‎ आनंदगाव ( सा. ) येथील येडेश्वरी साखर‎ कारखान्याचे २० दिवसात ८६ हजार २७० मे. टन‎ गाळप झाले आहे. तर उमरी फाटा येथील नव्याने‎ सुरू झालेल्या गंगा माऊली साखर कारखान्याचे‎ एक महिन्याच्या कालावधीत ४९ हजार मे. टन‎ गाळप झाले आहे.‎ केज तालुक्यात वाढलेले उसाचे क्षेत्र‎