दिव्य मराठी विशेष:अयोध्यानगरामध्ये श्रीराम मंदिराचे थाटात कळसारोहण‎

मर्यादा पुरूषोत्तम प्रभू श्रीरामांचा‎ जयघोष, फटाक्यांची आतषबाजी‎ आणि वाजत-गाजत मिरवणूक‎ काढून अयोध्यानगरातील‎ रहिवाशांनी भाजपच्या राष्ट्रीय‎ सचिव पंकजा मुंडे यांच्या हस्ते‎ लोक वर्गणीतून उभारलेल्या श्रीराम‎ मंदिराचे थाटात कळसारोहण केले.‎ लेकीच्या हाताने मंदिरावर कळस‎ बसवण्याची गेल्या अनेक‎ दिवसांपासूनची इच्छा रहिवाशांनी‎ यानिमित्ताने पूर्ण केली. दरम्यान,‎ मंदिरासाठी भव्य आणि सुसज्ज‎ सभागृह बांधून देण्याचा शब्द पंकजा‎ यांनी यावेळी भाविकांना दिला.‎ जलालपूर परिसरातील‎ अयोध्यानगरात रहिवाशांनी‎ लोकवर्गणीतून श्रीराम मंदिराची‎ उभारणी केली आहे.

मंदिराचा‎ कळसारोहण सोहळा पंकजा मुंडे‎ यांच्या प्रमुख उपस्थितीत मोठया‎ उत्साहात आणि थाटात पार पडला.‎ सकाळी पंकजा यांचे‎ कार्यक्रमस्थळी आगमन झाल्यानंतर‎ नागरिकांनी मंदिराचा कळस‎ त्यांच्याकडे सुपूर्द केला त्यांनी तो‎ कळस डोक्यावर घेऊन त्याची‎ वाजत-गाजत मिरवणूक काढली.‎ जागोजागी रांगोळ्या, गुढ्या‎ उभारून भाविकांनी त्यांचं जोरदार‎ स्वागत केलं. श्रीरामाचा जयघोष‎ करत महिला व पुरुष भाविक यात‎ सहभागी झाले. मंदिरात राम,‎ लक्ष्मण व सीता यांच्या मुर्त्या स्थापन‎ करण्यात आल्या आहेत. एक‎ आदर्श पती, आदर्श पत्नी व आदर्श‎ भाऊ कसे असावेत याचे ते प्रतिक‎ आहेत.

या तीन गोष्टी असतील तर‎‎‎‎‎‎‎‎‎‎‎‎‎‎‎ समाजाचं पतन होणार नाही. देवी‎ सीता हे स्त्रीच्या सन्मानाचं उदाहरण‎ आहे. स्त्रीकडे वाईट नजरेनं‎ पाडणाऱ्यांचा सर्वनाश होतो हे‎ रामायणाने शिकवलं, त्यामुळे स्त्री‎ शक्तीचा सन्मान राखा असं पंकजा‎‎‎‎‎‎‎‎‎‎‎‎‎‎‎ मुंडे यावेळी म्हणाल्या. हे मंदिर‎ सर्वांना सकारात्मक उर्जा देईल.‎ मंदिरासाठी सभागृह बांधून‎ देण्यासाठी सर्वतोपरी सहकार्य करू‎ असा शब्दही त्यांनी यावेळी दिला.‎ कार्यक्रमास भाजपचे ज्येष्ठ नेते‎‎‎‎‎‎‎‎‎‎‎‎‎‎‎ बंकटराव कांदे, रमेश कराड, श्रीराम‎ मुंडे, सरपंच गोवर्धन कांदे, ज्ञानोबा‎ मुंडे गुरूजी, प्रसाद कराड, मारोती‎ ढाकणे, भगवान भांड, त्रिंबक गिते,‎ माणिक कोरडे, बालासाहेब मुंडे,‎ सोपान गिते आदी उपस्थित होते.‎

वेदमंत्रांच्या घोषात,‎ विधिवत पूजन‎ वेदमंत्रांच्या घोषात, विधिवत पूजन‎ करून पंकजाताईंच्या हस्ते‎ मंदिरावर कळस बसवण्यात‎ आला. मंदिरात सुंदर व आकर्षक‎ स्थापित करण्यात आलेल्या प्रभू‎ श्रीराम, लक्ष्मण व देवी सीतेच्या‎ मूर्तीचे त्यांनी दर्शन घेतले.‎ भाविकांच्या वतीने त्यांचा यावेळी‎ सन्मान करण्यात आला.‎