प्रकल्पग्रस्त‎ बेमुदत उपोषण:प्रकल्पग्रस्तांचे नवव्या दिवशीही‎ औष्णिक केंद्रासमोर उपोषण सुरूच‎

परळी‎ येथील औष्णिक वीज निर्मिती‎ केंद्राच्या मुख्य कार्यालयासमोर‎ २४ डिसेंबरपासून प्रकल्पग्रस्त‎ बेमुदत उपोषणाला बसले‎ आहेत. नवव्या दिवशी ही‎ उपोषण सुरुच होते.‎ औष्णिक वीज निर्मिती‎ केंद्राच्या प्रकल्पग्रस्तांना कायम‎ सेवेत सामावून घ्यावे, ४५ वर्षे‎ पूर्ण झालेल्या प्रकल्पग्रस्तांचा‎ निर्वाह भत्ता ३० हजार रुपये‎ करावा, चंद्रपूर पाॅवर स्टेशन येथे‎ प्रकल्पग्रस्तांचे दाखल करण्यात‎ आलेले गुन्हे त्वरीत मागे घ्यावेत‎ या मागण्यांसाठी हे उपोषण सुरू‎ आहे.

प्रकल्पग्रस्त उपोषणाला‎ बसून नऊ दिवस उलटून गेले‎ आहेत आणि उपोणार्थींपैकी‎ तिघांची प्रकृती गंभीर झाली‎ असून त्यांना उपचारासाठी‎ शासकीय रुग्णालयात दाखल‎ करण्यात आले आहे. संबंधित‎ यंत्रणेपैकी कुणीही उपोषणार्थी‎ ची भेट घेतली नाही.‎ दोन दिवसात मागण्या मार्गी‎ लागल्या नाहीत तर आंदोलन‎ आणखी तीव्र करण्यात येणार‎ असल्याचे अध्यक्ष सुधीर फड‎ यांनी सांगितले.‎

काँग्रेसचे बीड जिल्हाध्यक्ष‎ राजेसाहेब देशमुख व अॅड.‎ माधव जाधव, मनसेचे तालुका‎ अध्यक्ष श्रीकांत पाथरकर,‎ शहराध्यक्ष वैजनाथ कळसकर,‎ वाहतूक सेना राज्य उपाध्यक्ष‎ रवि राज नेमाने, ऋषिकेश‎ बारगजे, विठ्ठलराव झिलमवाड‎ यांनी भेट देऊन उपोषणार्थ्यांची‎ चर्चा केली आहे. महा‎ निर्मितीच्या कंपनी‎ अधिकाऱ्यांकडून उपोषण मागे‎ घ्यावे यासाठी दबाव आणण्यात‎ येत असल्याचा आरोप‎ उपोषणार्थ्यानी केला आहे,‎