कारवाई:पाळत ठेऊन पिग्मी एजंटला लुटणाऱ्या‎ टोळीचा म्होरक्या पुण्यातून जेरबंद‎

पिग्मी एजंटावर पाळत ठेऊन‎ मित्रांच्या मदतीने दुचाकी अडवून‎ ‎ एजंटाला‎ ‎ लुटणाऱ्या‎ ‎ टोळीतील‎ ‎ म्होरक्याला‎ ‎ स्थानिक गुन्हे‎ ‎ शाखेच्या‎ ‎ पथकाने‎ ‎ गुरुवारी‎ ‎ पुण्यातील‎ खराडी परिसरातून जेरबंद केले.‎ मुळचा बीड तालुक्यातील‎ असलेला हा गुन्हेगार पुण्यात‎ वास्तव्यास असून पुणे‎ पोलिसांतही त्याच्या विरोधात‎ सहा गुन्हे नोंद आहेत.‎ सुरज उर्फ सचिन रमेश‎ साबळे (२९, रा. पालवण ता.‎ बीड हमु पुणे) असे अटक‎ करण्यात आलेल्या आरोपीचे‎ नाव आहे. काही महिन्यांपूर्वी‎ गेवराई तालुक्यातील पाडळशिंगी‎ टोलनाक्याजवळ एका पिग्मी‎ एजंटाची दुचाकी अडवून त्याला‎ लुटल्याची घटना घडली होती.‎

महिला बचत गटांचे पैसे जमा‎ करुन ते पैसे बँकेत टाकण्याचे‎ काम तो व्यक्त करत असे प्रत्येक‎ शुक्रवारी तो मादळमोही,‎ पाडळशिंगी परिसरात जाऊन हे‎ पैसे जमा करुन आणायचा याची‎ माहिती घेऊन व त्याच्यावर‎ पाळत ठेऊन दुचाकीवरुन‎ आलेल्या सहा जणांनी मारहाण‎ करुन लुटल्याची घटना घडली‎ होती. या प्रकरणी गेवराई‎ पोलिसांत गुन्हा नोंद करण्यात‎ आला होता.

यातील काही‎ आरोपींना अटक केली गेली‎ होती तर मुख्य आरोपी सुरज उर्फ‎ सचिन साबळे हा फरार होता.‎ स्थानिक गुन्हे शाखेच्या‎ पथकाला तो पुण्यातील खराडी‎ परिसरात असल्याची माहिती‎ मिळाली त्यानंतर एसपी‎ नंदकुमार ठाकूर, एएसपी सचिन‎ पांडकर, पीआय सतिश वाघ‎ यांच्या मार्गदर्शनाखाली‎ पीएसआय भगतसिंह दुल्लत,‎ कर्मचारी मनोज वाघ, प्रसाद‎ कदम, रामदास तांदळे, सोमनाथ‎ गायकवाड, विकास वाघमारे,‎ अशोक कदम यांच्या पथकाने ही‎ कारवाई केली.‎