कार्यरत:सामाजिक जाणिवेतून प्रत्येक‎ व्यक्तीने कार्यरत राहण्याची गरज

मनुष्य म्हणून जगत असताना प्रत्येक ‎व्यक्तीने सामाजिक दृष्टिकोन जपला ‎पाहिजे. सामाजिक जाणीवेतून कार्यरत ‎राहिलोत तर आपल्या हातून विधायक‎ कार्य नक्कीच घडेल असे प्रतिपादन आबासाहेब मोरे यांनी केले.‎ बीड येथे अखिल भारतीय श्री स्वामी समर्थ दिंडोरी प्रणित सेवा मार्गाचे वतीने‎ मराठवाडास्तरीय कृषी महोत्सव २९‎ डिसेंबर ते १ जानेवारी २०२३ या‎ कालावधीत छत्रपती संभाजी महाराज‎ क्रीडांगण, बीड येथे आयोजन करण्यात‎ आले आहे. या मराठवाडास्तरीय कृषी‎ महोत्सवाच्या भूमीपुजनानिमित्त ते बोलत‎ होते. मोरे यांच्या मार्गदर्शनाखाली या कृषी‎ महोत्सवाचे नियोजनाचा आढावा घेण्यात आला.

या कृषी महोत्सवात अनेक‎ सामाजिक उपक्रम राबविण्यात येणार‎ असून यामधे सर्व आजारांवर मोफत‎ आरोग्य तपासणी,नेत्र तपासणी, दंतरोग‎ तपासणी तसेच सर्व जाती-धर्मीय मोफत‎ विवाह नोंदणी करून आत्महत्याग्रस्त‎ कुटूंबातील शेतकऱ्यांच्या मुला मुलींचे‎ विवाह मोफत करण्याचे नियोजन यासह‎ सर्व शेतकऱ्यांना सर्व पिकांना देण्यासाठी‎ गोकृपाअमृत हे सेंद्रीय औषध मोफत‎ वाटप करण्यात येणार आहे. या कृषी‎ महोत्सवासाठी बीड शहरातील छत्रपती‎ संभाजी महाराज ग्राउंडवर लाखोंच्या‎ संख्येने सहकूटुंब उपस्थित राहावे, असे‎ आवाहन महोत्सवाच्या जागेचे भूमीपूजन‎ प्रसंगी श्री.आबासाहेब मोरे यांनी आज‎ केले. या प्रसंगी मराठवाड्यातील श्री‎ स्वामी समर्थ सेवेकरी उपस्थित होते.‎