आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

ड्रेसकोडही सक्तीचा‎:राष्ट्रगीतानंतरच होणार‎ कामकाजाची सुरुवात‎

पाटाेदा‎एका महिन्यापूर्वी
  • कॉपी लिंक

दररोज सकाळी ठीक पावणेदहा‎ वाजता पाटोदा नगरपंचायतीच्या‎ मुख्य सभागृहात सर्व कर्मचारी‎ एकाच ड्रेस कोडमध्ये गळ्यात‎ ओळखपत्रांसह हजर दिसले. काही‎ क्षणातच शिस्तबध्द पध्दतीने उभे‎ राहत राष्ट्रगीत म्हटले गेले. पाटोदा‎ नगरपंचायत कार्यालयात नवीन‎ वर्षात लोकाभिमुख प्रशासनाच्या‎ दृष्टीने मुख्याधिकारी चंद्रकांत‎ चव्हाण यांनी कार्यालयीन‎ कामकाजात सकारात्मक बदल‎ करण्यास सुरुवात केल्याने हे चित्र‎ दिसून आले.‎

मागील काही वर्षांपासून पाटोदा‎ नगरपंचायत मध्ये नियमित‎ मुख्याधिकारी नसल्यामुळे‎ नगरपंचायतीच्या कार्यालयीन‎ कामकाजात एक प्रकारचा‎ शिथिलपणा आला होता. याचा थेट‎ परिणाम सर्वसामान्य जनतेच्या‎ कामकाजावर जाणवत होता.‎ साधारणतः एक ते दीड महिन्यांपूर्वी‎ पाटोदा नगरपंचायत चे नियमित‎ मुख्याधिकारी म्हणून चंद्रकांत‎ चव्हाण यांनी पदभार स्वीकारला.‎ अवघ्या काही दिवसातच त्यांनी‎ कामात सुसुत्रता आणली.‎ कार्यालयीन कामकाज नेमून‎ दिलेल्या वेळेतच कर्मचाऱ्यांनी पूर्ण‎ केलेच पाहिजे, अशा प्रकारचा‎ शिरस्ता त्यांनी घालून दिला.

२‎ जानेवारीपासून दररोज सकाळी‎ ९:४५ वाजता सर्व कर्मचाऱ्यांना‎ गणवेश, ओळखपत्रासह हजर‎ राहणे बंधनकारक केले. यासह‎ नियमित राष्ट्रगीत होणार आहे.‎ कामाकाजातही नागरिकांची कुठेही‎ अडवणूक होऊ नये, यासाठी‎ सर्वांनी खबरदारी घ्यावी अशा‎ कडक सूचना त्यांनी दिलेल्या‎ आहेत. या उपक्रमाच्या प्रारंभी सीओ‎ चंद्रकांत चव्हाण, कार्यालयीन‎ अधीक्षक प्रल्हाद वक्ते, अभियंता‎ ज्ञानेश्वर मिसाळ, अक्षय कदम,‎ महेश भाकरे, विठ्ठल रूपनर,‎ काकासाहेब जाधव, श्रीनिवास‎ राऊत, सुनील शिंदे, आबासाहेब‎ जाधव, संतोष झलपे या‎ कर्मचाऱ्यांसह सुशील ढोले, अंगद‎ सांगळे, अरुण पवार, रियाज सय्यद‎ व नागरिकांची उपस्थिती होती.‎

बातम्या आणखी आहेत...