सुमधुर‎ कार्यक्रम:कठीण परिश्रमाशिवाय यशाला‎ पर्याय नाही : मच्छिंद्र सुकटे‎

इतिहास पाहिला तर आपल्या लक्षात येते की‎ सर्व यशस्वी व्यक्ती कठीण परिश्रम घेऊनच पुढे‎ गेल्या आहेत. म्हणून विद्यार्थी जीवनात ही गोष्ट‎ रुजवली पाहिजे की मेहनत घेऊनच यश‎ मिळवले जाते, त्याला कुठलाही शॉर्टकट‎ नसतो, असे प्रतिपादन उपजिल्हाधिकारी‎ मच्छिंद्र सुकटे यांनी केले.‎ अंबाजोगाई येथील पोदार इंटरनॅशनल‎ स्कूलचे वार्षिक स्नेहसंमेलन नुकतेच पार‎ पडले.

कार्यक्रमास प्रमुख अतिथी म्हणून‎ उपजिल्हाधिकारी मच्छिंद्र सुकटे हे हजर होते.‎ याप्रसंगी विद्यार्थ्यांनी संगीत विषयानुरूप सुमधुर‎ कार्यक्रम सादर केला. त्यांनंतर इयत्ता नववी‎ आणि दहावीच्या विद्यार्थ्यांनी ‘शिव तांडव’ नृत्य‎ सादर केले. शाळेच्या वरिष्ठ समन्वयिका डॉ.‎ रेणू झिरमिरे यांनी स्वागतपर भाषणातून‎‎‎‎‎‎‎‎‎‎‎ कार्यक्रमाच्या प्रमुख पाहुण्याचा परिचय करून‎ दिला. त्यानंतर उपस्थित मान्यवरांचा शाळेचे‎ प्राचार्य किर्तीकुमार देशमुख यांनी मानचिन्ह‎ आणि पुष्पगुच्छ देऊन सत्कार केला. यावेळी‎ कलाशिक्षक महेश दुगम यांच्या‎ मार्गदर्शनाखाली विद्यार्थ्यांनी महात्मा गांधीजींचे‎ पोर्ट्रेट तयार करीत उपस्थितांची वाहवा‎ मिळवली.‎