लंपास:ऑइल मिलमधील साहित्य चोरट्यांनी केले लंपास

तालुक्यातील पायतळवाडी शिवारातील एका ऑइल मिलमधील ९७ हजार रुपये किमतीचे वेल्डिंग ट्रांसफार्मर आणि कॉपर केबल हे साहित्य चोरट्यांनी लंपास केले.मुकुंद कमळे (रा. कालिका नगर, माजलगाव) यांनी याबाबत तक्रार नोंदवली.

श्री समर्थ ऑइल मिलमध्ये ते कार्यरत आहेत. या ठिकाणी ११ डिसेंबरच्या पहाटेच्या सुमारास चोरट्यांनी ८१ हजार ४२० रुपये किमतीचे ३ वेल्डिंग ट्रांसफार्मर आणि १६ हजार ४०० रुपयांचे कॉपर केबल वायर हे साहित्य चोरट्यांनी लंपास केले.