दिव्य मराठी विशेष:रस्ता होईपर्यंत शिंदेवस्तीच्या विद्यार्थ्यांसाठी तीन तराफे‎ ; आ. सुरेश धस यांचा पुढाकार

रस्ता आणि पुलाअभावी पाण्यातून प्रवास‎ करणाऱ्या शिंदेवस्तीकरांचे निवडणुकीत तराफे‎ जाळले होते. अखेर, त्यांना तात्पुरता दिलासा‎ मिळाला असून आ. सुरेश धस यांच्या‎ पुढाकारातून ३ लाख रुपये किमतीचे ३ तराफे‎ शिंदेवस्तीकरांना भेट दिले . रस्ता होईपर्यंत‎ सुरक्षित प्रवासाची त्यांची सोय झाली आहे.‎ पाटोदा तालुक्यातील सौताडा ग्रामपंचायत‎ अंतर्गत येणाऱ्या शिंदेवस्ती येथे जाण्यासाठी‎ नागरिकांना रस्ता नाही किंवा पुलही नाही.‎ त्यामुळे त्यांना तलावाच्या पाण्यातून‎ थर्माकोलच्या चप्पूवरुन जीव धोक्यात घालून‎ प्रवास करावा लागत होता. अनेक वर्षे हा त्रास‎ सहन करावा लागल्यानंतर माध्यमांतून‎ आलेल्या बातम्या आणि सामाजिक कार्यकर्ते‎ डाॅ. गणेश ढवळे यांनी केलेल्या आंदोलनामुळे‎ ही बाब मुंबई येथील बांद्रेवाडीकर गणेश‎ मंडळाला कळाली होती. त्यांनी ग्रामस्थांना‎ सुरक्षित प्रवासासाठी तीन तराफे भेट दिले होते.‎ मागील वर्षे, दोन वर्षे या तराफ्यातून प्रवास‎ नागरिक करत होते.‎

दरम्यान, नुकतीच सौताडा ग्रामपंचायतीची‎ निवडणूक झाली. या निवडणुकीदरम्यान‎ शिंदेवस्तीवरील नागरिकांनी रस्त्याच्या‎ मागणीकडे होत असलेल्या दूर्लक्षाच्या निषेघार्थ‎ मतदानावर बहिष्कार टाकण्याचा निर्णय घेतला‎ होता. याबाबत त्यांनी प्रशासनाला निवेदन दिले‎ होते. यानंतर दहा दिवसांपूर्वी मध्यरात्री‎ शिंदेवस्तीकरांचे तराफे अज्ञातांनी जाळले होते.‎ त्यामुळे पुन्हा शिंदेवस्तीवरील नागरिकांना‎ थर्माकोलच्या चप्पूवरुन प्रवास करण्याची वेळ‎ आली होती.‎

शिंदेवस्तीवर नागरिकांना तराफे दिल्याने त्यांचा प्रवास सुरक्षित झाला‎ ३० लाखांचा निधी पडून‎ ३० लाख रूपये निधी गटविकास आधिकारी यांच्याकडे रस्त्याच्या‎ कामासाठी वर्ग करण्यात आला असून एका शेतकऱ्याने अडवलेला‎ रस्ता तहसिलदार यांनी मोकळा करून दिला नाही त्यामुळेच निधी‎ अखर्चित आहे. - डॉ. गणेश ढवळे, सामाजिक कार्यकर्ते, बीड‎

नागरिकांनी‎ मानले आभार‎ दरम्यान, तराफे‎ जाळल्यानंतर‎ नाराज झालेल्या‎ नागरिकांनी तराफे‎ मिळाल्यानंतर‎ आमदार सुरेश धस‎ यांचे आभार मानले.‎