आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

व्यवस्थापन:नैसर्गिक आपत्तीच्या वेळ ; पावसाळा सुरू तरी धारूरला आपत्ती व्यवस्थापन कक्षही नाही

धारुर14 दिवसांपूर्वी
  • कॉपी लिंक

सध्या पावसाळ्याचे दिवस सुरू झाले आहेत. विज वारा, पूर, आदी नैसर्गीक आपत्तीचा सामना नागरिकांना करावा लागतो.वेळीच ग्रामीण भागामध्ये ग्रामस्थांना प्रशासनाच्या मदतीची गरज असते. यासाठी तहसील कार्यालयामध्ये पावसाळ्यापुर्वी आपत्ती व्यवस्थापन कक्षाची स्थापना करण्यात येते.परंतु पावसाळ्याचे दिवस सुरू झाली तरीही अद्याप तहसील कार्यालयामध्ये अधिकाऱ्यांच्या दुर्लक्षामुळे आपत्ती व्यवस्थापन कक्ष सुरू करण्यात आलेला नाही. तसेच येथील दूरध्वनीही बंद आहे. यामुळे नैसर्गिक आपत्तीच्या वेळी कोणाकडे मदत मागायची असा प्रश्न निर्माण झाला आहे.

धारूर तालुका हा डोंगराळ परिसराने व्यापलेला आहे. दरवर्षी पावसाळ्याच्या तोंडावर विज, वारा, नद्यांना पूर, विद्युत तारा तुटणे यासह नैसर्गिक आपत्ती ओढवण्याची शक्यता अधिक असते. यावेळी ग्रामीण भागांमध्ये प्रशासनाच्या मदतीची गरज असते. नैसर्गिक संकट टाळण्यासाठी तसेच तात्काळ मदत मिळावी म्हणून दरवर्षी तहसील कार्यालय मध्ये आपत्ती व्यवस्थापन कक्षाची स्थापना करून या ठिकाणी दूरध्वनी सुरू करण्यात येत असतो. परंतु सध्या पावसाळ्याचे दिवस सुरू झालेले आहेत.

तरी अद्याप तहसील कार्यालयामध्ये आपत्ती व्यवस्थापन कक्षाची स्थापना करून अद्याप कर्मचाऱ्यांची नेमणूक करण्यात आलेली नाही. यामुळे संकटकाळात नेमका कोणाशी संपर्क साधायचा आणि मदत मागायची असा प्रश्न निर्माण झाला आहे. आपत्ती व्यवस्थापन कक्ष सुरू न झाल्यास नागरिकांना मोठ्या संकटांना तोंड द्यावे लागणार आहे. परंतु महत्त्वाच्या प्रश्नाकडे येथील तहसील कार्यालयातील वरिष्ठ अधिकाऱ्यांचे नियंत्रण नसल्यामुळे अगदी सावळागोंधळ सुरू आहे.

बातम्या आणखी आहेत...