दिव्य मराठी विशेष:हवामानाधारित पिके घेण्याचा प्रयत्न करावा‎

निसर्ग विविधतेने नटलेला असला‎ तरीही अतिशय गुढ आहे. निसर्गातच‎ निसर्गाचे रहस्य व हवामानाचा अंदाज‎ दडलेला आहे. तो ओळखून‎ शेतकऱ्यांनी पिके घ्यावीत, असे स्पष्ट‎ मत हवामान अभ्यासक पंजाब राव‎ डख यांनी व्यक्त केले.‎ कामधेनू सेवाभावी संस्था संचलित‎ वसुंधरा महाविद्यालयास हवामान‎ अभ्यासक पंजाबराव डख यांनी‎ सदिच्छा भेट दिली.

यावेळी मंचावर‎ कामधेनू सेवाभावी संस्थेचे अध्यक्ष‎ बालासाहेब देशमुख, उपाध्यक्ष‎ डॉ.समद शेख, संचालक व पत्रकार‎ नृसिंह सुर्यवंशी, लक्ष्मीबाई देशमुख‎ महाविद्यालय परळीचे कोषाध्यक्ष‎ प्रा.मनोज देशमुख, प्राचार्य‎ डॉ.एल.एस.मुंडे, वसुंधरा‎ महाविद्यालयाचे प्राचार्य डॉ.अरुण‎ दळवे आदी मान्यवर उपस्थित होते.‎ याप्रसंगी महाविद्यालयाच्या वतीने‎ पंजाबराव डख यांचा सत्कार करण्यात‎ आला. पुढे बोलताना पंजाबराव डख‎ म्हणाले की, पूर्वी वेधशाळा नव्हत्या‎ तरीही आपले पूर्वज निसर्गातील‎ विविध बदलावरून, पशु-पक्षी यांच्या‎ वागण्यावरून आणि अनेक प्रकारच्या‎ झाडावरून उन्हाळा, हिवाळा,‎ पावसाळा याचा अंदाज बांधत आणि‎ आपली पिके घेत असत.‎ आपल्या ग्रंथातसुध्दा निसर्गाची‎ अतिशय गहन अशी मार्गदर्शक‎ माहिती असून अभ्यासांती ते समजून‎ घेता येऊ शकते. निसर्गातच निसर्गाचे‎ रहस्य दडलेले आहे.

शेतकऱ्यांनी‎ हवामानानुसारच पिके घ्यावीत, असे‎ सांगत पंजाबराव डख यांनी‎ उपस्थितांना हवामान अंदाजाचे‎ मार्गदर्शन केले. या कार्यक्रमात‎ पत्रकार नृसिंह सूर्यवंशी यांना‎ कै.नंदकुमार पांचाळ स्मृती पुरस्कार‎ भेटल्याबद्दल सन्मानित करण्यात‎ आले.‎ या कार्यक्रमाचे प्रास्ताविक‎ प्रा.डॉ.अलका देशमुख यांनी केले.‎ सूत्रसंचलन प्रा.मकरंद जोगदंड यांनी‎ केले तर आभार प्रा.डॉ. जगन्नाथ‎ तुडमे मानले. यावेळी वसुंधरा‎ महाविद्यालय व कै.लक्ष्मीबाई देशमुख‎ महिला महाविद्यालय परळी येथिल‎ प्राध्यापक, शिक्षकेतर कर्मचारी व‎ विद्यार्थी मोठ्या संख्येने उपस्थित होते.‎

आताच्या पिढीने निसर्गातील बदल लक्षात घ्यावे‎ आपल्या जुन्या पिढ्या निसर्गातील बदल लक्षात घेत हवामान‎ अंदाज बांधायचे तंत्र विकसित केले होते. आताच्या पिढीचा मात्र‎ निरीक्षण आणि अभ्यास कमी झाला आहे. त्यामुळे भवतालकडे‎ नव्याने पाहण्याची गरज असल्याचे पंजाबराव डख यांनी‎ सांगितले.‎