व्रत‎ हीच ईश्वर:अखंड रुग्णसेवेचे व्रत‎ हीच ईश्वर सेवा: संचेती‎

पाटोदा‎ ईश्वराने आत्तापर्यंत सर्व काही‎ भरभरून दिले. मागील अनेक‎ वर्षांपासून ईश्वराची कृपा व आपणा ‎ ‎ सर्वांचे आशीर्वाद व सदिच्छा यांच्या ‎ ‎ बळावर निर्विघ्नपणे आत्तापर्यंत ‎ ‎ रुग्णसेवेची संधी मिळाली हेच‎ माझ्या जीवनातील यश आहे.‎ पाटोदा नगरीत झालेला माझा‎ सत्कार हा अविस्मरणीय आहे.‎ अखंड रुग्णसेवेचे व्रत हीच‎ आपल्यासाठी ईश्वर सेवा आहे,‎ असे प्रतिपादन संचेती हॉस्पिटलचे‎ चेअरमन डॉ.पराग संचेती यांनी‎ केले.‎ पाटोदा येथे डॉ.रवींद्र राजपुरे‎ यांच्या पुढाकारातून अस्थिरोग‎ तपासणी शिबिर पार पडले.

या‎ शिबिराच्या उद‌्घाटनप्रसंगी‎ डॉ.संचेती बोलत होते. पाटोदा‎ नगरपंचायत व नागरिकांच्या‎ वतीनेही डॉ.संचेती, डॉ.प्रमोद‎ भिलारे व सर्व टीमचा सत्कार‎ करण्यात आला. डॉ.रवींद्र राजपुरे‎ यांनी डॉक्टर पराग संचेती हे स्वतः‎ पाटोदा शहरात रुग्ण तपासणीसाठी‎ आले हे आपले सर्वांचे भाग्य असून‎ यापुढेही ग्रामीण भागातील‎ रुग्णांसाठी अशा प्रकारच्या‎ शिबिराच्या आयोजन केले जाईल,‎ असे सांगितले. स्वागताला उत्तर‎ देताना डॉ.पराग संचेती यांनी‎ डॉ.राजपुरे तसेच आयोजकांचे‎ आभार मानून या ग्रामीण भागातील‎ रुग्णांसाठी प्रत्येक महिन्याला संचेती‎ हॉस्पिटलच्या डॉक्टरांची टीम‎ तपासणीसाठी पाठवणार असल्याचे‎ सांगितले.

यावेळी डॉ.जाधव,‎ पोकळे, सुरवसे, इम्रान शेख, अमीन‎ शेख, डिडूळ, सुसलादे, तांदळे‎ यांच्यासह पाटोदा नगरपंचायतचे‎ गटनेते बळीराम पोटे, नगरसेवक‎ संतोष जाधव, मंत्रालयीन अधिकारी‎ सुनील कोठेकर, युवा नेते‎ शहानवाज शेख, माजी‎ उपनगराध्यक्ष नयुम पठाण, सभापती‎ रामेश्वर गोरे, हनुमंत काळे,‎ नगरसेवक सुशील कोठेकर,‎ भाजपाचे जिल्हा उपाध्यक्ष सुधीर‎ घुमरे, संदीप जावळे हजर होते.‎ सूत्रसंचालन सेवानिवृत्त‎ मुख्याध्यापक एल. आर. जाधव‎ यांनी केले.‎