शहर कार्यकारिणीची बैठक‎ पार:प्रभागनिहाय बूथ बांधणी, शाखा‎ स्थापना कार्यक्रम सुरू करा : वडमारे‎

शहरातील शासकीय विश्रामगृह या‎ ठिकाणी वंचित बहुजन आघाडीच्या‎ बीड शहर कार्यकारिणीची बैठक‎ पार पडली. नवनिर्वाचित‎ पदाधिकारी यांचा सत्कार व परिचय‎ घेण्यात आला. ही बैठक बीड‎ शहरातील पक्षाचे संघटन शाखा व‎ बुथबांधणी संदर्भात घेण्यात आली‎ होती.‎ वंचित बहुजन आघाडीचे ज्येष्ठ‎ नेते बबनराव वडमारे हे या बैठकीचे‎ अध्यक्ष होते. या बैठकीला मार्गदर्शन‎ करत असताना त्यांनी बीड शहर‎ कार्यकारिणीच्या पदाधिकारी यांना‎ प्रभाग निहाय बूथ बांधणी व शाखा‎ स्थापना कार्यक्रम सुरु करण्याच्या‎ सूचना केल्या.

तसेच कार्यकारिणीचे‎ शहराध्यक्ष लखन जोगदंड हे‎ बोलताना म्हणाले येणारा काळ‎ निवडणुकांचा आहे तरी शहर‎ कार्यकारणीतील सर्व‎ पदाधिकाऱ्यांनी आपापल्या भागात‎ बैठकांचे नियोजन करून शाखा व‎ बुथबांधणी सुरू करावी माजी‎ जिल्हा सदस्य अजय सरवदे यांनी‎ देखील जमलेल्या शहरातील‎ पदाधिकारी यांना मोलाचे मार्गदर्शन‎ केले या बैठकीला जिल्हा‎ महासचिव ज्ञानेश्वर कवठेकर‎ जिल्हा सहसचिव पुरुषोत्तम (गोटू)‎ वीर जिल्हा प्रसिद्धी प्रमुख बालाजी‎ जगतकर, सुशील काकडे शहर‎ उपाध्यक्ष, स्वप्निल सदाफुले शहर‎ सहसचिव, प्रकाश पवळे शहर‎ सहसंघटक, राजेशकुमार जोगदंड‎ शहर प्रसिद्धीप्रमुख, शहर सदस्य‎ रोहित पटेकर, दीपक जावळे, रोहित‎ वीर आदी उपस्थित होते.‎ सूत्रसंचालन शहराचे महासचिव‎ संदीप जाधव यांनी केले, तर शहर‎ संघटक योगेश शिंदे यांनी आभार‎ मानले.‎