कायम भाजपला मतदान‎:निधी देऊन हिवरापहाडी गावाचा‎ विकास करणार : सर्जेराव तांदळे‎

हिवरापहाडी गावाने कायम भाजपला मतदान‎ केले आहे. ग्रामपंचायतीसाठी भाजप नेत्यांच्या‎ माध्यमातून निधी देऊन गावाचा विकास‎ करणार असल्याचे भाजपचे जिल्हा‎ सरचिटणीस सर्जेराव तांदळे यांनी सांगितले.‎ तांदळे यांच्या हस्ते बीड तालुक्यातील‎ हिवरापाडी येथील नूतन सरपंच अशोक‎ सीताराम शिंदे उपसरपंच राजाभाऊ पालवे,‎ ग्रा.पं.सदस्य कुंडलिक शिंदे, नवनाथ कांबळे,‎ अमोल खरात,हनुमंत पांढरे यांचा संघर्षयोद्धा‎ भाजपा संपर्क कार्यलय बीड येथे सत्कार‎ करून शुभेच्छा दिल्या यावेळी ते बोलत होते.‎ सर्जेराव तांदळे म्हणाले, बीड तालुक्यातील‎ हिवरापाडी ग्रामस्थ कायम पंकजा मुंडे यांच्या‎ पाठीशी खंबीरपणे उभे आहेत.

लोकसभा‎ असो अथवा विधानसभा कोणत्याही‎ निवडणुकीत येथील मतदार बांधवांनी भरघोस‎ मतदान करून विजयामध्ये सहभाग घेतला‎ आहे. सरपंचाच्या थेट निवडणुकीत भारतीय‎ जनता पार्टी विचाराचे अशोक सीताराम शिंदे‎ हे सरपंच पदावर निवडणून आले आहेत.‎ गावातील रस्ते, नाली, पिण्याचे शुद्ध पाणी,‎ लाईट, शाळा, आदि मुलभूत सुविधा‎ नियमितपणे ग्रामस्थांना पुरवणे ही‎ ग्रामपंचायतीची जबाबदारी आहे. शासनाच्या‎ विविध सार्वजनिक व वैयक्तिक योजना‎ राबवून लोकांना योजनांच्या माध्यमातून‎ मदतीचा आधार द्यावा. यासाठी युवा पिढीने‎ तळमळीने काम केले पाहिजे हिवरापाडी‎ गावाला विकास निधी कमी पडणार नाही.‎ असा विश्वास भाजपा जिल्हा सरचिटणीस‎ ॲड. सर्जेराव तांदळे यांनी व्यक्त केला.‎ यावेळी चंद्रकांत फड, शांतीनाथ डोरले, हरीश‎ खाडे, वसंत गुंदेकर, बबनराव रूपनर,‎ चेअरमन भारत रूपनर, कृष्ण पारखे, बाळू‎ व्हरकटे, झनझन अमोल, निळकंठ वळे,‎ प्रल्हाद वळे, भीमराव तुपे,अजित बोराडे,‎ आदीसह कार्यकर्ते उपस्थित होते.‎