हद्यद्रावक घटना:मस्साजोग येथे तरुणाची गळफास घेऊन आत्महत्या ; माहिती मिळताच पोलिस घटनास्थळी दाखल

औरंगाबादला खासगी कंपनीत नोकरी करणाऱ्या ३३ वर्षीय तरुणाने गावी मस्साजोग (ता. केज) येथे येऊन लिंबाच्या झाडाला गळफास घेऊन आत्महत्या केल्याची घटना रविवारी (दि. २५) सकाळी उघडकीस आली. सुनील बाबासाहेब कदम असे आत्महत्या केलेल्या तरुणाचे नाव आहे. आत्महत्येचे कारण अद्याप स्पष्ट झाले नाही. तालुक्यातील मस्साजोग येथील सुनील बाबासाहेब कदम (३३) हे पत्नी, मुलीसह औरंगाबादला वास्तव्यास आहेत. कदम यांनी गावी येऊन मस्साजोग - पिंप्री रोडवरील व्यंकटेश देशमुख यांच्या शेतातील लिंबाच्या झाडाला दोरीने गळफास घेतल्याचे रविवारी पहाटे ६ वाजेच्या सुमारास उघडकीस आले. या घटनेची माहिती मिळताच पोलिस नाईक त्रिंबक सोपणे, महादेव बहिरवाल यांनी घटनास्थळी भेट देत पंचनामा केला. विडा येथील प्राथमिक आरोग्य केंद्रात शवविच्छेदन करण्यात आले.