फसवणूक:जीडीसी प्रकरणात 103‎ जणांनी गुंतवले पैसे‎

जीडीसी प्रकरणात १०३ जणांसह‎ अनेकांनी पैसे गुंतवले आहेत. पैशाचा‎ कसा व्यवहार केला, कशी रक्कम‎ भरली, कोणत्या खात्यात रक्कम भरली‎ याबाबतचा सर्व अहवाल तक्रारदारांनी‎ आर्थिक गुन्हे शाखेच्या पोलिसांना‎ दिला आहे.‎ जीडीसी प्रकरणात फसवणूक झाली‎ म्हणून प्रमोटर किरण खरात, पत्नी‎ दीप्ती खरात यांच्याविरुद्ध तालुका‎ पोलिस ठाण्यात गुन्हा दाखल करण्यात‎ आलेला आहे, तर गुंतवलेली रक्कम‎ वसूल करण्यासाठी पुणे येथून अपहरण‎ करून औरंगाबाद येथील एका‎ हॉटेलमध्ये व जालन्यात डांबून‎ ठेवल्याची तक्रार किरण खरात यांनी‎ दिली होती.

यावरून विजय झोल,‎ गजानन तौर, विक्रम झोल, सुभाष‎ काकस, अनिरुद्ध शेळके, विजय‎ भांदरगे, सुमीत जाधव यांच्याविरुद्ध‎ तालुका पोलिस ठाण्यात गुन्हा दाखल‎ करण्यात आला आहे. या प्रकरणात‎ आठही जणांना कोर्टाकडून अटकपूर्वी‎ जामीन मिळाला आहे. किरण खरात‎ यांच्यावरही गुन्हा दाखल असल्याने‎ त्यांच्या अटकपूर्व जामीन अर्जावर‎ शनिवारी सुनावणी होणार आहे.‎ आभासी चलन असलेल्या या‎ व्यवहारात अजून अनेकांची नावे पुढे‎ येण्याची शक्यता आहे. १०३‎ प्रकरणांमध्ये आतापर्यंत जवळपास तीन‎ कोटींची गुंतवणूक असल्याचे‎ पोलिसांच्या तपासात समोर आले‎ आहे.‎