जिल्हाधिकाऱ्यांकडून दखल‎:पोलिसांच्या पहाऱ्यात होणार शेवली‎ केंद्रावर 10 वी, 12 वीची परीक्षा‎

दहावी तसेच बारावीच्या परीक्षेला‎ कॉपी करू न दिल्याने नागरिकांनी‎ थेट शिक्षकांना शिवीगाळ करून‎ शाळेवर दगडफेक केल्याचा प्रकार‎ ८ मार्च रोजी जिप शाळा शेवली या‎ केंद्रावर घडला. शिवाय पुढील‎ पेपरला कॉपी कशी करू देत नाही‎ अशा धमक्या शिक्षकांना‎ मिळाल्याने केंद्र प्रमुखांनी थेट‎ जिल्हाधिकाऱ्यांकडे या प्रकाराबद्दल‎ तक्रार केली. याची दखल घेत या‎ परीक्षा केंद्रावर ८ पोलिसांचा खडा‎ पहारा राहणार आहे. शिवाय भरारी‎ पथकाची करडी नजर राहणार आहे.‎ जिल्ह्यात कॉपीमुक्त परीक्षा‎ अभियान राबवले जात असून‎ यावर्षी जिल्हाधिकाऱ्यांच्या‎ नियोजनात दहावी तसेच बारावीच्या‎ परीक्षा होत आहे.

यावर्षी तब्बल १७‎‎‎‎‎‎‎‎‎‎‎‎‎ पथके तैनात करण्यात आली आहे.‎ असे असताना ८ मार्च राेजी जिल्हा‎ परिषद शाळा सेवली येथील केद्रावर‎ बाहेरून चिठ्या पुरवण्याच्या‎ प्रकाराला विरोध करणाऱ्या‎ शिक्षकांना शिवीगाळ करून‎ धमक्या देण्याचा प्रकार घडला.‎ शिवाय शाळेवरही दगडफेक‎ झाल्याने केंद्रप्रमुख, केंद्र संचालक‎‎‎‎‎‎‎‎‎‎‎‎‎ तसेच उपकेंद्र संचालकांनी हा प्रकार‎ थेट जिल्हाधिकारी यांच्याकडे‎ मांडला. यावर अॅक्शन घेत भरारी‎ पथकाच्या भेटी तसेच आठ‎ पोलिसांचा पहारा देण्याच्या सूचना‎ करण्यात आल्या. या परीक्षा केंद्रावर‎ ५५४ विद्यार्थी परीक्षा देत असून‎ दहावीसाठी ३८८ तर बारावीसाठी‎ १६६ विद्यार्थी परीक्षा देत आहेत.‎

पोलिसांची करडी नजर‎ ८ मार्च रोजीचा प्रकार लक्षात घेता‎ सेवली परीक्षा केंद्रावर पुढील‎ पेपरसाठी आठ कर्मचाऱ्यांची‎ नियुक्ती करण्यात आली आहे.‎ परीक्षा केंद्राच्या शिवारात कोणत्याही‎ प्रकारचा गोंधळ होणार नाही याची‎ खबरदारी घेतली जाणार आहे.‎ - नित्यानंद उबाळे, सहाय्यक पोलिस‎ निरीक्षक‎