मोकाट‎ कुत्र्यांचा गराडा‎:तीन वर्षांत कुत्र्यांनी तोडले साडेपाच हजार जणांचे‎ लचके, जालन्यात सात हजार मोकाट कुत्र्यांची दहशत‎

जालना शहरातील विविध रस्त्यांवर बिनधास्तपणे वावरणारे‎ मोकाट श्वान वाहनांवर झेपावतात. जाणाऱ्या-येणाऱ्या ‎ ‎ नागरिकांसह शाळेत जाणाऱ्या लहान मुलांच्या पाठीमागे ‎ ‎ लागतात. शहरात दररोज ६ ते ११ जणांना चावा घेतल्याच्या ‎ ‎ घटना घडत आहेत.

पालिकेकडून दरवर्षी‎ निर्बीजीकरणासाठी लाखो रुपयांची तरतूद केली जाते, परंतु ‎ ‎ सात वर्षांनंतर एकदाही निर्बीजीकरण करण्यात आलेले‎ नाही. शहरात उघड्यावरच मटनांची दुकाने व मोकळ्या ‎ ‎ जागेतच विष्टा पडत असल्याने मोकाट कुत्र्यांची संख्या‎ वाढत आहे.

चार लाख लोकसंख्या असलेल्या जालना‎ शहरात ७ हजार मोकाट कुत्र्यांची दहशत आहे. मागील तीन ‎ ‎ वर्षांत ५ हजार ४७५ जणांचे लचके तोडल्याची जिल्हा‎ सामान्य रुग्णालयात नोंद झाली आहे.‎ कुत्र्यांचा हा विषय नगरपालिकेच्या सभेत वारंवार‎ चर्चिला गेला, परंतु प्रत्यक्षात मोकाट श्वानांबाबत‎ बंदोबस्ताचा विषय आजही मार्गी लागलेला नाही.

मोकाट ‎ ‎ कुत्र्यांमुळे जखमी होणाऱ्या नागरिकांची संख्या दिवसेंदिवस ‎ ‎ वाढत आहे. त्यामुळे नगरपालिकेने तातडीने मोकाट कुत्र्यांचे ‎ ‎ निर्बीजीकरण करण्यासाठी पुढाकार घेण्याची गरज निर्माण ‎ ‎ झाली आहे. शहरातील बहुतांश भागात मोकाट कुत्र्यांचे‎ जत्थेच जत्थे फिरत असतात. हे कुत्रे अचानक हल्ले करुन ‎ महिलांसह, अाबालवृध्द, लहान मुले जखमी होण्याचे‎ प्रमाण वाढले आहे.

मोकाट कुत्र्यांचा बंदोबस्त करावा, अशी ‎ ‎ मागणी वारंवार करण्यात आली आहे. परंतु यावर कुठलीच ‎ ‎ उपाययोजना करण्यात आली नाही. मोकाट कुत्र्यांचा‎ बंदोबस्त करण्यात येत नाही.‎ रुग्णालयात रोज‎ ४० ते ६० रुग्णांवर‎ होताहेत उपचार‎ जिल्हा रुग्णालयातील रेबीज‎ विभागात लहान मुले, ज्येष्ठ,‎ महिला, पुरुष अशांवर रोज ४० ते‎ ६० जणांवर उपचार करावे‎ लागते.

पिसाळलेला कुत्रा,‎ चांगला कुत्रा, जखम किती आहे,‎ यानुसार इंजेक्शन डोस यावर‎ दररोज ४० ते ६० जणांवर उपचार‎ करावे लागतात. कुत्र्यांमुळे‎ जखमी होणाऱ्याचे प्रमाण हे‎ मोठ्या प्रमाणात आहे. याकडे‎ पालिकेने लक्ष देणे गरजचे आहे.‎

कुत्र्यांच्या बंदाेबस्तासाठी निर्बिजिकरण‎ हा एकमेव उपाय आहे का ‎?‎

निर्बीजीकरण उपाय नाही, परंतू संख्या कमी‎ होईल. निर्बीजीकरण करणे एकमेव उपाय नाही.‎ परंतू, मोकाट कुत्र्यांची संख्या कमी होण्यास‎ मदत. आता जशी कुत्र्यांची संख्या झपाट्याने‎ वाढतेय ते प्रमाण कमी होईल.‎

निर्बीजीकरणासाठी यंदा तरतूद किती‎ केली आहे?‎

निर्बीजीकरणासाठी चालू वर्षात १० लाख‎ रुपयांची तरतुद करण्यात आली आहे.‎ निर्बिजीकरण कोण करणार व कधी‎ करणार ‎?‎ निर्बीजीकरण करण्यासाठी स्वतंत्र निविदा‎ काढली जाणार आहे. येणार्या चार महिन्यांत ही‎ प्रक्रिया राबविली जाणार आहे. वरिष्ठ‎ पातळीवरील पत्रव्यवहार, कोरोना व अधिकारी‎ बदलत राहील्याने प्रक्रियेत हे लांबणीवर पडले‎ आहे.‎

वारंवार निवेदने देऊनही दुर्लक्ष‎ मोकाट कुत्र्यांचा कांचननगर, शिवनगर, नूतन वसाहत या भागांत‎ चांगलाच हैदोस आहे. उघड्यावर होणाऱ्या मांसविक्रीमुळे ही संख्या‎ वाढत आहे. कॉलनीत अनेकदा लहान मुलांचे कुत्र्यांनी लचके तोडले‎ आहे. आता लवकरच आंदोलन करणार आहोत.

- शशिकांत घुगे,‎ माजी नगरसेवक‎

निर्बीजीकरण होत नसल्याने संख्या वाढली‎ शहरात उघड्यावर मटन विक्रेत्यांच्या दुकानांमुळे मोकाट‎ कुत्र्यांची संख्या वाढली आहे. निर्बीजीकरण होत नसल्यामुळे ही‎ संख्या वाढू लागली आहे. पालिका प्रशासनाने याबाबत गांभीर्याने‎ घ्यायला हवे.

- ओमप्रकाश चितळकर, प्रदेश सचिव, राष्ट्रीय‎ समाज पक्ष‎​​​​​​​​​​​​​​

निर्बीजीकरण होत नसल्याने संख्या वाढली‎ शहरात उघड्यावर मटन विक्रेत्यांच्या दुकानांमुळे मोकाट‎ कुत्र्यांची संख्या वाढली आहे. निर्बीजीकरण होत नसल्यामुळे ही‎ संख्या वाढू लागली आहे. पालिका प्रशासनाने याबाबत गांभीर्याने‎ घ्यायला हवे.

- ओमप्रकाश चितळकर, प्रदेश सचिव, राष्ट्रीय‎ समाज पक्ष