कारवाई:भोकरदनमधील 300 अतिक्रमणे काढली‎

भोकरदन- राजूर या मंजूर झालेल्या या‎ राष्ट्रीय महामार्गात भोकरदन शहरातील‎ सुमारे ३०० च्या जवळपास अतिक्रमण‎ धारकांची अतिक्रमण राष्ट्रीय महामार्ग‎ कार्यालयाच्या कार्यकारी अभियंता उप‎ अभियंता व महसूल अधिकारी व पोलीस‎ अधिकारी यांच्यासह विशेष पथकाने‎ कडेकोट पोलिस बंदोबस्तात काढली‎ आहेत. भोकरदन शहरातील छत्रपती‎ शिवाजी महाराज चौक ते कुंभारी‎ फाट्यापर्यंत रस्त्याच्या दुतर्फा मध्य‎ रेषेपासून ५० फुटापर्यंत आत मध्ये येणारी‎ सर्व अतिक्रमणे काढून टाकल्याने हा‎ महामार्ग मोकळा झालेला आहे.‎ सकाळी दहा वाजता सुरू झाली‎ बुलडोझर जेसीबी व मलबे वाहून‎ नेण्यासाठी हायवा ट्रॅक्टर आधी २५ ते ३०‎ वाहनासह पार काम करणारे कर्मचारी‎ यांच्या पथकाने अतिक्रमण काढण्याची‎ कारवाई सुरू केली.

या कारवाई दरम्यान‎ ज्यांनी स्वतःहून काढलेली अतिक्रमणे‎‎‎‎‎‎‎‎‎‎‎‎‎‎‎‎ वगळता राहिलेली सर्व अतिक्रमणे‎ काढण्यात आली. विशेष म्हणजे भोकरदन‎ जालना रोडवर महामार्गाच्या हद्दीमध्ये‎ आलेले जिल्हा परिषद प्रशाला नवे‎ भोकरदनचे षटकोनी खोली व स्वयंपाक‎ गृह ही पाडण्यात आले. त्याचप्रमाणे‎ बाजूला असलेल्या न्यायाधीशांच्या व‎ पोलीस निरीक्षकांच्या शासकीय‎‎‎‎‎‎‎‎‎‎‎‎‎‎‎‎ निवासस्थानाचे सुरक्षा भिंती, काढण्यात‎ आल्या आहे. अतिक्रमण काढतेवेळी‎ राष्ट्रीय महामार्गाचे कार्यकारी‎ अभियंत्यासह उपविभागीय अधिकारी‎ अतुल सोरमारे, पोलीस उपविभागीय‎ अधिकारी इंदल सिंग बहुरे यांच्या प्रमुख‎ उपस्थितीत व मोठ्या पोलिस बंदोबस्तात‎ हे अतिक्रमणे काढण्यात आली.‎