विविध विकास कामांना मंजूरी:सिंचन विहिरींसाठी 403  प्रस्ताव‎

परतूर तालुक्यातील आष्टी येथील‎ ग्रामपंचायत कार्यालय परिसरात गुरुवारी‎ आयोजित करण्यात आलेल्या विशेष‎ ग्रामसभेत विविध विकास कामांना मंजूरी‎ देण्यात आली. या वेळी सिंचन विहिरींसाठी‎ ४०३ प्रस्ताव दाखल झाले आहेत.‎ गुरुवारी आष्टी येथील ग्रामपंचायत‎ कार्यालय परिसरात विषेश ग्रामसभेचे‎ आयोजन करण्यात आले होते. अध्यक्षस्थानी‎ सरपंच शोभा मोरे या होत्या. तर ग्राम विकास‎ अधिकारी डी. बी. काळे, उपसरपंच‎ नसरूल्लाह काकड यांची प्रमुख उपस्थितीत‎ होती. ग्राम विकास अधिकारी काळे यांनी‎ मागील ग्रामसभेचा वृत्तांत वाचवून दाखविला.‎

नवीन कृती आराखडाचे वाचन केले. या वेळी‎ एमआरईजीएस अंतर्गत शेतकऱ्यांना‎ वैयक्तिक सिंचन विहिरीसाठी आलेल्या कृती‎ आराखडा संदर्भात माहिती दिली. तसेच‎ महात्मा जोतिबा फुले व्यापारी संकुलचा‎ दुसऱ्या मजल्याचे बांधकाम करणे‎ एमआरईजीएस अंतर्गत पाणंद रस्ते करणे‎ शेतकऱ्यांसाठी फळबाग योजना राबवणे‎ आदी विषयांवर चर्चा होऊन त्यांना मंजूरी‎ देण्यात आली. पंतप्रधान घरकुल योजने‎ अंतर्गत ज्यांना घरकुल मंजूर झाले आहेत.‎ त्यांनी तात्काळ कागदपत्रे ग्रामपंचायत मध्ये‎ दाखल करण्याच्या सूचना दिल्या. येत्या‎ सोमवार पर्यंत सर्व लाभार्थींनी आपले‎ कागदपत्रे दाखल करावेत, नसता त्याच्या‎ खालच्या लाभार्थ्यांचा विचार केला जाईल,‎ असे ग्राम विकास अधिकारी काळे यांनी‎ सांगितले आहे.‎