निर्धारित उद्दिष्ट:कर थकविणाऱ्या 42 मालमत्ता जप्त‎ ; नगर पालिकेकडून विविध प्रकारची‎ कारवाई

जालना नगर पालिकेतंर्गत शहरात विविध‎ प्रकारचा कर थकला आहे. मालमत्ता कर‎ थकवणाऱ्यांमध्ये अनेक मोठ्या लोकांचा‎ समावेश असल्याची यादीच पालिकेच्या‎ वसुली पथकाकडे आहे. कर वसुलीसाठी‎ नगर पालिकेकडून विविध प्रकारची‎ कारवाई केल्या जात आहे. कर वसुलीचे‎ निर्धारित उद्दिष्ट गाठण्यासाठी‎ थकबाकीदारांच्या मालमत्तांची जप्तीही‎ सुरू केली आहे. दरम्यान, अगोदर‎ नोटिसा दिल्या, नंतर मालमत्ता जप्त‎ केल्या जात आहेत. पाणी कट‎ करण्याचीही कारवाई प्रस्तावित आहे.‎ दरम्यान शुक्रवारी पुन्हा सहा मालमत्ता‎ सील करुन जप्त करण्यात आल्या आहेत.‎ आतापर्यंत ४२ मालमत्ता सील करण्यात‎ आल्या आहेत.‎ मार्च एंडमुळे कर विभागाच्या‎‎ पथकांकडून कर थकवणाऱ्यांवर कारवाई‎‎ करण्यासाठी कंबर कसली आहे. ज्या‎‎ मालमत्ताधारकांनी कर थकवला‎ आहे,‎ त्यांना यापूर्वीच नोटिसा देऊन‎ कर‎ भरण्याचे आवाहन केले आहे.‎ यानंतरही‎ अनेक जण कर‎ थकवत आहेत.

यामुळे‎‎‎‎‎‎‎‎‎‎‎‎‎‎‎ पहिल्या‎ टप्प्यात अनेक वर्षांपासून कर‎‎ थकवणाऱ्यांवर कारवाई केली जात‎ आहे.‎ नोटिसा देऊनही कर थकवत‎ असल्यामुळे‎ मालमत्ता सील‎ करण्याची कारवाई सुरू‎ केली आहे.‎ जालना शहरातील गांधी‎ नगर, चंदनझीरा, सुंदरनगर, बुऱ्हाननगर,‎ कानडी वस्ती, रामनगर, लोधीमोहल्ला,‎ रामनगर, कानडी वस्ती, विणकर‎ मोहल्ला, संभाजीनगर काही भाग, अर्जून‎ नगर, मंगळ बाजार परिसर, पॉवरलुम‎ परिसर, कन्हैयानगर, दु:खीनगर परिसर,‎ नुतन, अंबड रोड आदी भागांमध्ये‎‎‎‎‎‎‎‎‎‎‎‎‎‎‎ सर्वाधिक थकबाकी असल्याची माहिती‎ कर विभागाकडून देण्यात आली आहे.‎

दरम्यान, शुक्रवारी रंगुलाल हिम्मतलाल,‎ गजानन सुधाकर मगर, नटराज टाकी,‎ पद्माकर चंफतराव जोशी, माणिक दिवकर‎ बनकर यांच्या मालमत्ता सील केल्या‎ आहेत. ही कारवाई मुख्याधिकारी संतोष‎ खांडेकर यांच्या मार्गदर्शनाखाली महेश‎ शिंदे, केशव कानपुडे, प्रविण डिघोळे,‎ प्रभाकर बोर्डे, नीलेश शंकरपल्ली, बी.‎ आर. गवळी आदींनी या कारवाया केल्या‎ आहेत.‎