आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

गुन्हा दाखल:महिलेचा विनयभंग करून हडपला सहा लाख‎ 64 हजारांचा मुद्देमाल; 7 जणांविरुद्ध् गुन्हा‎

परतूर‎8 दिवसांपूर्वी
  • कॉपी लिंक

शहरातील आदर्श कॉलनीतील‎ जयभद्रा नगरात राहणाऱ्या‎ एका ३८ वर्षीय महिलेच्या‎ घरात घुसून तिचा विनयभंग‎ करत घरातील रोख रकमेसह‎ ६ लाख ६४ हजार रुपयांचा‎ मुद्देमाल लांबवल्याची घटना‎ रविवारी दुपारी ३ वाजेच्या‎ सुमारास घडली.‎ या प्रकरणी एका राष्ट्रीय‎ पक्षाच्या तालुकाध्यक्षासह इतर‎ ७ ज्ञात आरोपी आणि ३० ते‎ ३५ अज्ञात आरोपी विरोधात‎ गुन्हा दाखल करण्यात आला‎ आहे.

सदरील प्रकार पैशाच्या‎ देवाण -घेवाणीतून घडला‎ आहे.‎ ३८ वर्षीय महिलेने दिलेल्या‎ फिर्यादीनुसार रविवारी सदरील‎ महिला आपल्या घरात‎ असताना, तिच्या ओळखीच्या‎ असणाऱ्या संदीप गायकवाड,‎ आकाश जाधव, रमेश‎ भापकर, शिवा पाईकराव,‎ विठ्ठल भापकर, आकाश‎ शिवदास शिंदे, मनिष प्रितम‎ भवरे यांनी हातात चाकू,‎ तलवार घेऊन अचानक घरात‎ प्रवेश केला. घरातील‎ सामानाची तोडफोड करून‎ नुकसान केले. सामान‎ घराबाहेर फेकून दिले.‎

त्यांच्यासोबत असणाऱ्या‎ अनोळखी २० ते ३० महिला‎ पुरुषांनी देखील घरातील‎ सामानाची तोडफोड करून‎ सामान घराबाहेर फेकले.‎ रमेश भापकर आणि‎ त्यांच्यासोबत असणाऱ्या इतर‎ दोन अनोळखी व्यक्तींनी‎ रूममध्ये येऊन, घराचे‎ राहिलेले पैसे केव्हा देणार असे‎ म्हणत महिलेची छेड काढत‎ विनयभंग केला.‎ घरातील ४० हजार रुपये‎ किमतीचे तीन मोबाईल फोन,‎ कपाटातील रोख पाच लाख‎ ३३ हजार रुपये आणि सोन्याचे‎ दागिने असा एकूण ६ लाख‎ ६४ हजार रुपयांचा मुद्देमाल‎ बळजबरीने लांबवला.‎

याप्रकरणी संदीप गायकवाड,‎ आकाश जाधव, रमेश‎ भापकर, शिवा पाईकराव,‎ विठ्ठल भापकर, आकाश शिंदे,‎ मनिष भवरे आणि इतर‎ अनोळखी २० ते ३० महिला व‎ पुरुषांविरुद्ध गुन्हा दाखल‎ करण्यात आला आहे. या‎ प्रकरणचा तपास पोलिस‎ उपनिरीक्षक कमलाकर अंभोरे‎ हे करीत आहेत.‎

बातम्या आणखी आहेत...