रुग्णांची तपासणी:70 जणांना मिळणार कृत्रिम हात-पाय‎

पोलीओ ग्रस्त, अपघातात अवयव‎ गमावलेल्या दिव्यांगांसाठी‎ अग्रशक्ती बहु मंडळातर्फे नारायण‎ सेवा संस्थान उदयपूर यांच्या‎ सहकार्याने मंगळवारी आयोजित‎ दिव्यांग तपासणी व कृत्रिम अवयव‎ प्रत्यारोपण शिबिरास उत्स्फूर्त‎ प्रतिसाद मिळाला.शिबीरात १२०‎ रुग्णांची तपासणी करण्यात आली.‎ ७० जणांचे कृत्रिम हात-पाय, ११‎ दिव्यांगांना रॉड कुट साठी मोजमाप‎ घेऊन चार पोलिओग्रस्तांची‎ शस्त्रक्रियेसाठी निवड झाली.‎ छञपती संभाजी महाराज नगर‎ परिसरातील हॉटेल बगडिया‎ इंटरनॅशनल येथे सकाळी उद्योजक‎ पन्नालाल बगडिया यांच्या हस्ते‎ शिबिराचे उद्घाटन झाले.

या वेळी‎ नीता बगडिया, डॉ. प्रकाश सिगेदार,‎ आदित्य बगडिया, नारायण सेवा‎ संस्थान उदयपूरचे समन्वयक डॉ.‎ रोली शुक्ला,संदीप गिंदोडिया,‎ मंडळाच्या अध्यक्षा आयुषी‎ बगडिया, सचिव शीतल अग्रवाल‎ यांची प्रमुख उपस्थिती होती.‎ पन्नालाल बगडिया यांनी‎ गरजवंतांना आधार देणाऱ्या‎ उपक्रमाचे कौतुक करत शुभेच्छा‎ दिल्या.‎ डॉ. प्रकाश सिगेदार यांनी दरवर्षी‎ २० % नागरिक अपघात व अन्य‎ कारणांमुळे अवयव गमावतात असे‎‎‎‎‎‎‎‎‎‎‎‎‎‎‎‎‎‎‎‎‎‎ सांगितले.‎ सुञसंचालन मार्गदर्शक सारिका‎ तालुका यांनी केले तर सचिव‎ शीतल अग्रवाल यांनी आभार‎ मानले.‎

दुपारी ४ वाजेपर्यंत चाललेल्या‎ शिबिरात जालना जिल्ह्यासह‎ बुलडाणा जिल्ह्यातील दिव्यांगांनी‎ सहभाग घेतला. नारायण सेवा‎ संस्थानचे शिबिर प्रभारी डॉ.‎ अखिलेश अग्निहोत्री , डॉ. उदय‎ सिंग, डॉ. महेंद्र सिंग, डॉ. चून्नीलाल‎ मीना, डॉ. महेश बैरागी, डॉ. सुनील‎‎‎‎‎‎‎‎‎‎‎‎‎‎‎‎‎‎‎‎‎‎ श्रीवास्तव, व सहकार्यांनी‎ दिव्यांगांची तपासणी करून उपचार‎ तसेच मोजमाप केले. या वेळी रिता‎ अग्रवाल, कोषाध्यक्षा स्नेहा‎ भारूका, सहसचिव मेघा बगडिया,‎ प्रकल्प प्रमुख प्रिती मल्लावत, ममता‎ गुप्ता, संध्या अग्रवाल, सपना‎ अग्रवाल, नम्रता पित्ती, सुचिता‎ बगडिया, रचना पित्ती, आरती पित्ती‎ , अर्चना अग्रवाल, पूजा अग्रवाल,‎ डॉ. भारती अग्रवाल, पूनम‎ अग्रवाल, शिखा अग्रवाल यांच्या‎ सह दिव्यांगांची उपस्थिती होती.‎