मिरवणूक‎:सर्वधर्मीयांचे प्रतीक असलेल्या वरूडच्या‎ अंबिकामाता यात्रेनिमित्त मिरवणूक‎

जाफराबाद तालुक्यातील सर्व‎ जातीधर्मियांचे प्रतिक समजल्या‎ जाणाऱ्या वरुड बुद्रुक येथील अंबिका‎ मातेच्या यात्रेस प्रारंभ झाला.‎ रविवारी सकाळी देवीचे पूजन करून‎ मुकुट चढविण्यात आला. त्यानंतर दुपारी‎ चार वाजता मिरवणूकीत बारागाडे‎ ओढण्यात आले. अंबा भवानी की जय‎ या जय घोषाने संपूर्ण परिसर दुमदुमुन‎ गेला होता. शेकडो वर्षांपूर्वीची जुनी‎ पारंपरिक परंपरा असलेल्या अंबिका‎ मातेच्या उत्साहाला आजच्या आधुनिक‎ युगातही मोठे महत्व असल्याचे चित्र‎ आहे. मराठवाडा मुक्तीसंग्राम लढ्यात‎ महाराष्ट्रभर ओळख असलेल्या वरुड‎ बुद्रुक येथे मातेचे स्थान असून या‎ मंदिरामध्ये पूर्वाभिमुख देवीची हिरवा‎ शालू नेसलेली मूर्ती असून हजारो‎ भाविक नवस फेडण्यासाठी हजेरी‎ लावतात.

नवस बोलून पूर्ण व्हावा,‎ यासाठी भाविक नवसाचे नारळ, धागा,‎ रेशीम तसेच बांगड्याचा चुडा देवीच्या‎ समोर दरवाजाला बांधून ठेवतात. नवस‎ पूर्ण झाल्यास नारळ सोडून घेतात.‎ यात्रेच्या दिवशी लहान बालकाला वाजत‎‎‎‎‎‎‎‎‎‎‎‎‎‎‎‎‎‎‎ गाजत हळदी लावून सर्व अंगाला‎ लिबांचा पाला गुंडाळून बारागाडे‎ ओढण्यात येतात. तरूण मल्लखांब‎ खेळण्यासह काठी फिरविणे आदी‎ कवायती सादर करतात. तर ढोलताशाचा‎ गजरात ठेकाही धरतात. यात्रेच्या दिवशी‎ रात्री ९ वा. स्व. नानासाहेब देशमुख‎ यांच्या प्रतिमेचे पूजन करुन पारंपरिक‎ सोंगाचा कार्यक्रम होतो.

यात नंदी,‎‎‎‎‎‎‎‎‎‎‎‎‎‎‎‎‎‎‎ रामलिला, म्हैशासूर, लवकुश, रावणाचे‎ सैन्य, फावडाफावडी ही सोंगे आकर्षक‎ मानली जातात. तर दुसऱ्या दिवशी‎ एकनाथ षष्टीला सकाळी ६ वाजता‎ मातेचे सोंग निघते. सोगांची प्रथा ही‎ घायवट घराण्यात असल्याने विठोबा‎ घायवट यांच्या अंगात अंविका मातेची‎ स्वारी येवून सोंग काढण्यात येते.‎ दरम्यान, पुजारी विठोबा घायवट यांच्या‎‎‎‎‎‎‎‎‎‎‎‎‎‎‎‎‎‎‎ मार्गदर्शनाखाली सामाजिक कार्यकर्ते‎ राजु चिडे यासह मित्र परिवारानी सोशल‎ मीडियावर जनजागृती करुन‎ लोकवर्गणीतून टिनशेड तयार करण्यात‎ येऊन मंदिराचे रंगरंगोटीने सुशोभिकरण‎ केले आहे. यामध्ये मंदिर परिसरात‎ खडीकरण करुन सिमेंट गट्टू बसविण्यात‎ आले आहे. वृक्ष लागवड करण्यात‎ आली आहे.‎