आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:चालकांनी थोडा संयम ठेवत घाई न करता‎ वाहन चालवल्यास अपघात टाळता येतो‎

प्रताप गाढे | जालना‎8 दिवसांपूर्वी
  • कॉपी लिंक

वर्ष १९८९ - ९० मध्ये लालपरीचे स्टेअरींग‎ हाती घेतले. त्यावेळी वाहणांची संख्या कमी‎ होती. मात्र, खडतर रस्ते हे मोठे आव्हाण‎ होते. आता काळ बदलला वाहणे वाढली‎ आहे. पण रस्ते चांगली आहेत. या परस्पर‎ असलेल्या बाबींचा विचार करता वाहन‎ चालकाने थोडा सय्यम ठेवला, घाई केली‎ नाही तर अपघात टाळता येतात.

असे एसटी‎ महामंडळात २५ वर्ष सेवा देणारे जाफराबाद‎ आगाराचे सेवानिवृत्त चालक भास्कराव‎ देशमुख यांनी सांगीतले. सेवेची २५ वर्ष पुर्ण‎ करणाऱ्या जिल्ह्यातील १५ "सदिच्छादूत''‎ यांचा एसटी महामंडळाकडून गौरव केला‎ जाणार आहे.‎ सर्वसामान्यांची लालपरी म्हणुन ओळखल्या‎ जाणाऱ्या एसटी बसच्या माध्यमातुन आजही‎ मोठ्या प्रमाणात प्रवाशांची ये जा होते.

या‎ सेवेचे ७५ वर्ष लालपरी ने ओलांडले आहे.‎ एसटीच्या माध्यमातून प्रवाशांना ज्यात‎ विद्यार्थी ते जेष्ठ, महिला अशा सर्वांना‎ विविध योजनांतून प्रवास सवलत दिली जाते.‎ या बराेबरच सारथी म्हणुन काम करणाऱ्या‎ कर्मचाऱ्यांचाही गौरव केला जातो. यामध्ये‎ सदिच्छादूत म्हणुन गौरवण्याचा विशेष‎ उपक्रम हाती घेण्यात आला आहे. विना‎ अपघात सेवा देणारे एसटी वाहक हे एसटीचे‎ "सदिच्छादूत'' (ब्रँड अम्बॅसिडर) ठरत‎ आहेत. अशा चालकांचा सपत्निक सत्कार‎ करून इतर चालकांसमोर आदर्श निर्माण‎ करणे व त्यांना प्रोत्साहन देणे, या उद्देशाने‎ सदिच्छादुतांचा २६ जानेवारी सपत्नीक हा‎ सत्कार होणार आहे.‎

१५ जणांचा सपत्नीक सत्कार‎
१५ जणांचा आज सपत्नीक सत्कार असून, २५‎ हजारांचा चेक, मोमेंटो, प्रमाणपत्र, बॅच आदीसह‎ पत्नीचा खण - नारळाने ओटी भरली जाणार आहे.‎ हा कार्यक्रम एसटीचे विभागीय कार्यालय येथे होणार‎ आहे. यंत्र अभियंता, वाहतूक अधिकारी, कर्मचारी‎ अधिकारी आदींची यावेळी उपस्थिती राहणार आहे.‎ दरम्यान, ११ ते २५ जानेवारी सुरक्षितता अभियान‎ पंधरवडा राबवण्यात आला.‎

विना अपघात सेवा देणारे "सदीच्छादूत''‎
२५ वर्षे विना अपघात सेवा देणाऱ्या सदीच्छादूत यांचा‎ गौरव करून चालकांना आदर्श मिळावा यासाठी‎ जिल्ह्यातील १५ कर्मचाऱ्यांचा गौरव केला जात आहे.‎ -प्रमोद नेव्हुल, विभाग नियंत्रक, जालना‎

बातम्या आणखी आहेत...