दिव्य मराठी विशेष:तहसीलदारांच्या लेखी आश्वासनानंतर उपोषण मागे‎

‎शिधापत्रिका, श्रावणबाळ योजना,‎ संजय गांधी निराधार योजना आणि‎ विधवा यांचे प्रस्ताव विनाविलंब‎ मार्गी लावण्यात येतील असे लेखी‎ आश्वासन तहसीलदार रूपा‎ चित्रक यांनी दिल्याने सामाजिक‎ कार्यकर्ते अर्जुन पाडेवार यांनी‎ आपले नियोजित उपोषण मागे‎ घेतले. येथील तहसील‎ कार्यालयात मागील एक ते दीड‎ वर्षापासून धुळखात पडलेले‎ शिधापत्रिका, श्रावण बाळ योजना,‎ संजय गांधी निराधार‎ योजना,विधवा निवृत्ती वेतन‎ आयोग, दिव्यांग वेतन आयोग‎ योजना इतर प्रस्ताव तात्काळ‎ निकाली काढण्यात यावेत या प्रमुख‎ मागणीसाठी सामाजिक कार्यकर्ते‎ अर्जुन पाडेवार यांनी सोमवारपासून‎ उपविभागीय अधिकारी यांच्या‎ कार्यालयासमोर उपोषण सुरू केले‎ होते.‎ उपोषण स्थळी सदरील योजनांच्या‎ लाभार्थ्यांनी हजेरी लावत पाडेवार‎ यांच्या उपोषणाला उत्स्फूर्तपणे साथ‎ दिली.

तहसील कार्यालयात दाखल‎ केलेल्या विविध योजनांच्या‎ कागदपत्रांच्या सत्यप्रती लाभार्थ्यांनी‎ यावेळी पाडेवार यांना दिल्या. हे सर्व‎ प्रस्ताव मागील एक ते दीड‎ वर्षापासून दाखल झालेले आहेत.या‎ प्रस्तावावर पुढील कार्यवाही न‎ करता सर्व प्रस्ताव आवक-जावक‎ विभागात धुळखात पडले होते.परंतु‎ तहसील कार्यालयाच्या ‎ ‎ हलगर्जीपणामुळे हे प्रस्ताव मंजूर झालेले नाहीत.

प्रस्ताव निकाली काढण्यासाठी नागरिक तहसिल ‎कार्यालयात दररोज चकरा मारत‎ होते, त्यांना कुठल्याही प्रकारचे‎ समर्पक उत्तर मिळत‎ नव्हते.परिणामी नागरिकांना‎ हकनाक त्रास सहन करावा लागत ‎होता. तहसिल कार्यालयातील ‎ कर्मचाऱ्यांना गोरगरीब जनतेने‎ प्रस्तावाबाबत विचारणा केली‎ असता त्यांना उडवा-उडवीची उत्तरे‎ देण्यात येत होती असा आरोप‎ पाडेवार यांनी निवेदनात केला होता.‎

तहसील कार्यालात असलेले‎ प्रस्ताव तत्काळ मंजूर करून‎ निकाली काढण्याचे आदेश देण्यात यावेत या मागणीसाठी हे उपोषण‎ करण्यात आहे. मात्र,तहसीलदार‎ रूपा चित्रक यांनी स्वत: उपोषण‎ स्थळाला भेट देऊन सर्व प्रस्ताव‎ विनाविलंब मार्गी लावण्यात येतील‎ असे लेखी आश्वासन दिल्याने‎ पाडेवार यांनी उपोषण मागे घेतले.‎ उपोषणास्थळी भगवानराव मोरे, द.‎या. काटे, विष्णू मुजमुले,‎ सुरमासिंग जुनी, शेख, निसार भाई,‎ गफार सौदागर, मलीक कुरेशी,‎ बाळासाहेब पाडेवार, अविनाश‎ पाडेवार, दिपक भदर्गे,राहुल,‎ पाईकराव, शेख, सिराज, करण‎ पाडेवार आदी उपस्थित होते.‎