अँड्राॅइड‎ तिकीट यंत्र:एसटीत अँड्राॅइड तिकीट यंत्र;‎ पैशांवरून होणारे वाद थांबणार‎

जिल्ह्यातील एसटीच्या चारही आगारांत १‎ एप्रिलपासून ६३० वाहकांच्या हाती अँड्राॅइड‎ तिकीट यंत्र येणार आहे. यामुळे सुट्या‎ पैशांवरून होणारे वाद तसेच नेहमी बंद‎ पडणाऱ्या यंत्रापासून वाहकांची सुटका‎ होणार आहे. विशेष म्हणजे एटीएम, डेबिट‎ कार्ड, फोनपे, गुगलपे, यूपीआय, क्यूआर‎ वापरता येणार आहे.‎ नागरिकांच्या प्रवासाची धमनी म्हणून‎ ओळखल्या जाणाऱ्या लालपरीने आता‎ डिजिटल सेवेकडे वळण घेतले आहे. यात‎ तिकीट यंत्राची भर पडली आहे. एसटीचा‎ प्रवास करताना सुट्या पैशांसाठी वाहक व‎ प्रवासी यांच्यात नेहमीच वाद होतात.

ही‎ समस्या सोडवण्याच्या उद्देशाने एसटी‎ महामंडळाने १ एप्रिलपासून अँड्रॉइड मशीन‎ देण्याचे नियोजन केले आहे. मशीनमुळे‎ प्रवाशांना तिकिटाची रक्कम थेट‎ ऑनलाइन देता येणार आहे. बदलत्या‎ काळासोबत चालण्यासाठी आता एसटी‎ महामंडळानेही एक पाऊल पुढे टाकत‎ तिकिटांसाठी सर्व वाहकांना अँड्राइड‎ मशीन देण्याचा कॉन्ट्रॅक्ट खासगी कंपनीला‎ दिला आहे.‎ अँड्राॅइड मशीनमध्ये एटीएम, डेबिट कार्ड,‎ फोनपे, गुगलपे, यूपीआय, क्यूआर कोड‎ वापरून एसटीचे तिकीट काढता येणार‎‎‎‎‎‎‎‎‎‎ आहे. त्यामुळे प्रवाशांची सोय होणार आहे.‎

एसटीतून प्रवास करताना प्रवाशांना‎ वाहकास सुटे पैसे देण्याची अडचण‎ असते.‎ अशा वेळी वाहकासोबत प्रवाशांची‎ वादावादी होते. अनेकदा वाहक सुट्ट्या‎ पैशांसाठी तिकिटावर लिहून देत पुन्हा पैसे‎ घेणे, एसटीतून खाली उतरताना‎ तिघा-चौघांत एकत्रित पैसे देणे यांसारखे‎ प्रकार करतात. त्यामुळे प्रवाशांना मानसिक‎ त्रास सहन करावा लागत होता. बदलत्या‎ काळानुसार एसटीची सेवाही बदलावी, या‎ हेतूने एसटी एसटी महामंडळाने एक‎ पाऊल पुढे टाकले आहे. त्यानुसार आता‎ एसटीमध्ये १ एप्रिलपासून वाहकांना‎ तिकिटासाठी अँड्राॅइड यंत्रे दिली जाणार‎ आहेत. यंत्रांच्या कंपन्या आणि स्टेट‎ बँकेच्या सहकार्याने डिजिटलची सुविधा‎ असणारी तिकीट मशीन्स वापरात‎ आणण्यात येणार आहेत.‎

एप्रिल महिन्यापासून एसटीत‎ होणार यंत्रणा कार्यरत
‎ विदर्भ, मराठवाडा, खान्देश अशा सर्व‎ ठिकाणी हे अँड्रॉइड यंत्र दाखल होणार‎ आहे. जालना जिल्ह्यात ६३० यंत्रांची मागणी‎ असून ती पूर्ण केली जाणार आहे.‎ -प्रमोद नेहुल, विभाग नियंत्रक, जालना‎