आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

प्रतिपादन‎:देवदूतांवर हल्ले नको,‎ तर त्यांचे रक्षण हवे‎ ; डॉ. ओमप्रकाश मोतीपवळे यांचे प्रतिपादन‎

जालना‎12 दिवसांपूर्वी
  • कॉपी लिंक

जालना‎ रुग्णांचे प्राण वाचवणारे डॉक्टर्स हे‎ पृथ्वीवर देवदूत आहेत. अनुचित‎ प्रसंगी डॉक्टरांवर होणारे हल्ले,‎ रुग्णालयाची नासधूस दुर्दैवी असून‎ रुग्ण व नातेवाइकांनी भावना‎ बाजूला ठेवत डॉक्टरांना दोष न देता‎ संयम राखावा, असे आवाहन‎ रोटरीचे प्रांतपाल डॉ. ओमप्रकाश‎ मोतीपवळे यांनी केले.‎ रोटरी क्लब ऑफ जालना‎ मिडटाऊन व आयएमए जालना‎ यांच्या वतीने जनजागृती‎ अभियानाच्या शुभारंभप्रसंगी ते‎ बोलत होते. या वेळी उपप्रांतपाल‎ डॉ. सुमित्रा गादिया, आयएमएचे‎ अध्यक्ष डॉ. राजीव जेथलिया,‎ सचिव डॉ. श्रेयांस गादिया, अॅड.‎ सविता मोतीपवळे, मिडटाऊनचे‎ अध्यक्ष अॅड. महेश धन्नावत,‎ प्रशांत बागडी यांची उपस्थिती होती.‎ डॉ. मोतीपवळे यांनी अॅड. महेश‎ धन्नावत यांच्या नेतृत्वाखाली‎ जालना रोटरी मिडटाऊनने वर्षभरात‎ घेतलेले लोकोपयोगी उपक्रम,‎ ज्वलंत समस्या, विविध प्रश्नांवर‎ राबवलेली जनजागृतीची चळवळ‎ नवी दिशा देणारी आहे, असे नमूद‎ केले. डॉ. सुमित्रा गादिया यांनी‎ कायदेविषयक प्रबोधनामुळे‎ अनुचित घटनांना आळा बसेल,‎ असा विश्वास व्यक्त केला. अॅड.‎ महेश धन्नावत यांनी आपल्या‎ रुग्णांसोबतच अन्य रुग्णसुद्धा‎ उपचार घेत आहेत, याचा विचार न‎ करता रागाच्या भरात‎ नातेवाइकांकडून डॉक्टरांवर हल्ले,‎ इस्पितळांची नासधूस करणे असे‎ प्रकार घडतात. कायद्यात शिक्षेच्या‎ तरतुदी असल्या तरी त्याविषयी‎ माहिती नसल्याने पुढे अनंत‎ अडचणींना सामोरे जावे लागते,‎ अनुचित प्रकार होऊ नये, डॉक्टरांना‎ निर्भयपणे सेवा करता यावी‎ याकरिता सर्व इस्पितळांत‎ फलकांद्वारे जागृती केली जात‎ असल्याचे सांगितले. या वेळी‎ डॉक्टर्स, आयएमए व रोटरी‎ मिडटाऊनचे पदाधिकारी,‎ सदस्यांची उपस्थिती होती.‎

बातम्या आणखी आहेत...