आवाहन:जीवनातील सर्व प्रश्नांची‎ उत्तरे रामायणात : ढोक‎

रामायणात जीवनातील सर्व‎ प्रश्नांची उत्तरे आहेत, येथे बंधू‎ प्रेमाचा आदर्श पाहायला मिळतो,‎ तुलसी रामायण आणि राम चरित्र‎ मानस हे धर्मग्रंथ भारतीय‎ संस्कृतीचे प्रतीके आहेत. राम‎ कथेमध्ये सहभागी होणे म्हणजे‎ जणू काही मान सरोवरांमध्ये‎ स्नानाचा आनंद घेण्यासारखे आहे,‎ असे रामायणाचार्य रामराव महाराज‎ ढाेक यांनी सांगितले.‎

भोकरदन तालुक्यातील वाकडी‎ येथे जगद्गुरू तुकोबाराय बीज व‎ नाथषष्ठी उत्सवा निमित्त अखंड‎ हरिनाम सप्ताह व श्रीरामकथा‎ सोहळा सुरु आहे. ढाेक महाराजांनी‎ रामायण ग्रंथ महात्म्य व शिवपार्वती‎ विवाह या विषयावर कथा प्रवचन‎ केले. रामायण हा भारतीय‎ संस्कृतीतील अमूल्य ठेवा आहे.‎ रामायण वाचल्यानंतर किंवा‎ ऐकल्यानंतर आपल्या सात जन्माचे‎ पाप नाहीसे होते. आजच्या‎ धावपळीच्या जगात तर संपूर्ण‎ रामायन वाचणे किंवा ऐकण्यासाठी‎ वेळ नसतो. यासाठी खाली‎ दिलेल्या एका श्लोकाचे योग्यप्रकारे‎ जप केला तर संपूर्ण रामायण‎ वाचण्याचे किंवा ऐकण्याचे फळ‎ मिळते.

याला एक श्लोकी रामायण‎ असेही म्हणतात. श्रीराम वनवासात‎ गेले, तेथे स्वर्ण मृग (हरीण)चा‎ वध केला. वैदही म्हणजे देवी‎‎‎‎‎‎‎‎‎‎‎‎‎‎‎‎‎ सीतेचे रावणाने हरण केले,‎ रावणाकडून जटायूचा मृत्यू झाला.‎ श्रीराम आणि सुग्रीवाची मैत्री‎ झाली. बलीचा श्रीरामांनी वध‎ केला. समुद्र पार करून लंका दहन‎ केले. त्यानंतर कुंभकर्ण आणि‎ रावणाचा वध केला. ही‎ रामायणाची संक्षिप्त कथा आहे.‎ असे रामराव महाराज ढोक‎ सांगितले. कार्यक्रमाच्या प्रारंभी‎ गणेश वंदना करण्यात आली.‎ यावेळी सामुदायिकपणे आरती‎ करण्यात आली. दरम्यान या कथेत‎ सितास्वंयवर, केवट कथा,‎ सिताहरण, लंका दहन, रावण वध,‎ श्रीराम राज्याभिषेक या कथा‎ सांगितल्या जाणार आहेत. यावेळी‎ पंचक्रोशीतील भाविकांची मोठी‎ उपस्थिती होती.‎

सप्ताहात यांचे कीर्तन‎
वाकडीत सुरु असलेल्या अखंड‎ हरीनात सप्ताहात अॅड. ज्ञानेश्वर‎ महाराज जळकेकर, प्रकाश महाराज‎ साठे, ज्ञानेश्वर माऊली महाराज‎ शेलूदकर, समाधान महाराज‎ भोजेकर, गजानन महाराज‎ वरसाडेकर, बाळु महाराज‎ गिरगावकर, युवाचार्य संतोष‎ महाराज आढावणे यांचे कीर्तनसेवा‎ होणार आहे. भाविकांनी या‎ सप्ताहातील धार्मिक कार्यक्रमाचा‎ लाभ घ्यावा, असे आवाहन‎ ग्रामस्थांनी केले आहे.‎