आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

‎उत्पादनांमध्ये घट:कापसाच्या दरात घट हाेत असल्याने ‎ साठवणूक करण्यावर शेतकऱ्यांचा भर ‎

मंठा‎एका महिन्यापूर्वी
  • कॉपी लिंक

तालुक्यात यंदाच्या खरीप हंगामामध्ये ‎मोठ्या प्रमाणात शेतकऱ्यांनी‎ कपाशीची लागवड केली. मात्र‎ अतिवृष्टी व विविध रोगांच्या‎ प्रादुर्भावामुळे कापूस पिकाच्या ‎ ‎उत्पादनांमध्ये घट होत आहे. त्यातही‎ उरला सुरला कापूस हाती आला तरी कपाशीचे दर देखील सातत्याने कमी‎ होत असल्यामुळे शेतकरी हवालदिल‎ झाले आहेत.‎ मंठा तालुक्यामध्ये यावर्षी २३ हजार‎ ३७७ हेक्टरवर कपाशीची लागवड करण्यात असल्याची माहिती कृषी ‎विभागातर्फे देण्यात आली.

यासह मंठा ‎ ‎ बाजारपेठेमध्ये आज घडीला १२ हजार‎ ९०४ क्विंटल कापसाची आवक झाली‎ असुन कापसाला ७ हजार ५०० रूपये‎ प्रति क्विंटल असा दर दिला जात‎ आहे. मागील वर्षी कापसाला दहा‎ हजार रुपये प्रति क्विंटल पेक्षा जास्त‎ भाव मिळाला होता.त्यामुळे यंदा‎ कपाशीची लागवड वाढली खरीप‎ हंगामापासूनच कपाशीच्या‎ लागवडीपासूनच अतिवृष्टीसह विविध‎ रोगराईच्या प्रादुर्भावामुळे कपाशीच्या‎ उत्पन्नामध्ये घट होत असल्याचे‎ शेतकरी सांगत आहेत.

त्यात पुन्हा‎ कपाशीचे दर सतत घटत असल्याने‎ शेतकरी मोठ्या चिंतेत दिसून येत‎ आहेत. मागील महिन्याच्या तुलनेमध्ये‎ २ हजार ७०० पर्यंत दर कमी झाल्याने‎ शेतकऱ्यांच्या अपेक्षेवर पाणी फिरले‎ आहे. त्यामुळे शेतकरी मोठ्या चिंतेत‎ दिसून येत असुन कापसाचे दर घसरत‎ असल्याने शेतकरी आता कापूस‎ साठवणुकीवर भर देताना दिसुन येत‎ आहे. मंठा शहरातील बाजारपेठेमध्ये‎ कापसाच्या दरामध्ये सातत्याने घट होत‎ असल्याने मंठा बाजारपेठेतील‎ कापसाची आवक घटली आहे.‎ मागील वर्षी कापसाला प्रतिक्विंटल ११‎ हजार रूपयांच्या पुढे दर मिळाला‎ होता. त्यामुळे यंदा कपाशीची लागवड‎ केली आहे.‎ परंतू यावर्षी कापसाचे दर घसरत‎ असल्याने उत्पनापेक्षा लागवडीचा‎ खर्च अधिक झाला आहे.

लागवड,‎ फवारणी, वेचणी यासह इतर खर्च‎ जास्त झाला आहे. त्यात कपाशीवर‎ लाल्या, बोंडअळीसह करपा रोग‎ आल्याने उत्पादनामध्ये घट येत आहे.‎ त्यामुळे कापसाचे दर वाढतील अशी‎ अपेक्षा असल्याचे गेवराई येथील‎ कापूस उत्पादक शेतकरी शरद खरात‎ यांनी व्यक्त केली. दरम्यान, मागील‎ काही महिन्यांपासून शेतकऱ्यांवर‎ संकटाची मालिका सुरु असल्याने‎ शेतकरी वैतागून गेले आहेत.‎

.‎बाजारपेठेत दिवसेंदिवस‎ आवक घटू लागली‎

मंठा बाजारपेठेत १२ हजार ९०४‎ क्विंटल कापसाची आवक झाली‎ आहे.तर कापसाचे दर नोव्हेंबर‎ महिन्यामध्ये सुरुवातीला ९ हजार २००‎ रुपये प्रति क्विंटल कापसाचे दर होते.‎ त्यात पुन्हा ८ हजार २०० रुपये प्रति‎ क्विंटल असा दर झाला ,‎ त्यामुळे शेतकऱ्यांना भाववाढीची‎ मोठी प्रतिक्षा आहे. महिन्यामध्ये आज‎ घडीला ७ हजार ५०० रूपये प्रति‎ क्विंटल असा दर असल्याचे बाजार‎ समितीचे सचिव एस. एम. छनवाल‎ म्हणाले.‎

बातम्या आणखी आहेत...