शेतकऱ्याचा डिझेल ओतून घेत पेटवून घेण्याचा प्रयत्न:ट्रॅक्टर अन् भाडे मिळत नसल्याने शेतकऱ्याचे पाऊल

भाडेतत्त्वावर दिलेले ट्रॅक्टर व त्याचे भाडे मिळत नसल्याच्या कारणावरून दिलेल्या तक्रारीबाबत चंदनझिरा पोलिस सहकार्य करत नसल्याने एका शेतकऱ्याने सोमवारी सकाळी ११ वाजता अंगावर डिझेल घेऊन आत्महत्या करण्याचा प्रयत्न केल्याची घटना जालना जिल्हाधिकारी कार्यालयासमोर घडली. संतोष धोंडिबा पाटोळे (राळा, ता. बदनापूर) असे आत्महत्येचा प्रयत्न करणाऱ्या शेतकऱ्याचे नाव आहे.

शेतकरी संतोष पाटोळे यांनी ट्रॅक्टर घेऊन ते करारानिशी रामू गुणाजी राठोड यांना भाडेतत्त्वावर दिले होते. ट्रॅक्टर ऑक्टोबर २०२१ पासून त्यांना भाडेतत्त्वावर दिले आहे. त्यांनी आजपर्यंत भाडे किंवा संबंधित ट्रॅक्टर परत दिलेले नाही. याकरिता १८ ऑगस्ट २०२२ रोजी पोलिस अधीक्षकांना भेटून चंदनझिरा ठाण्यात गुन्हा दाखल करण्यात आला आहे. परंतु, तपासिक अंमलदार तागवाले यांनी राठोड याला महिनाभरानंतरही ताब्यात घेतले नाही. यामुळे पाटोळे यांनी मुख्यमंत्र्यांना भेटून तक्रार दिली. .