दरात मोठी घसरण‎:भाजीपाल्याच्या दरात मोठी ‎ घसरण; शेतकरी हवालदिल ‎

शहरातील आठवडी बाजारात‎ भाजीपाल्यांच्या दरात मोठी घसरण‎ झाल्याचे दिसून येत आहे.‎ महिन्यापासून आठवडी बाजारात‎ भाजीपाल्याची आवक वाढू‎ लागल्याने भाजीपाल्याच्या दरामध्ये‎ मोठी घसरण झाल्याचे व्यापारी‎ सांगत आहेत.‎ तालुक्यात यावर्षी पर्जन्यमान‎ समाधानकारक झाल्याने‎ जलसाठ्यात मोठी वाढ झाली.‎ त्यामुळे शेतकरी हंगामी पिकाबरोबर‎ भाजीपाला पिके देखील घेत आहेत.‎ गेल्या महिन्यापासून बाजारामध्ये‎ भाजीपाल्याची आवक वाढत‎ असल्याने भाजीपाला मातीमोल‎ विक्री करावा लागत आहे.‎ भाजीपाल्याचे दर घसरल्यामुळे‎ बाजारात आणण्याचा वाहन खर्च‎ देखील निघत नसल्याने शेतकऱ्यांना‎ आर्थिक फटका सहन करावा लागत‎ आहे. भाजीपाला लागवडीपासून ते‎ काढणीपर्यंत मोठा खर्च होतो.‎

बाजारात भाजीपाल्याला भाव‎ मिळत नसल्याने भाजीपाला‎ उत्पादक चिंता व्यक्त करत आहेत.‎ दरम्यान,मंठा येथे बाजारात शुक्रवारी‎ भाजीपाल्याची आवक भरपूर‎ झाल्याने वांगी, पातीचे कांदे दहा‎ रुपये प्रति किलो तर गवार, चवळी‎ शेंगा २० रुपये प्रति किलो विक्री‎ झाली. गोबी गड्डा दहा रुपये, पत्ती‎ गोबी गड्डा १५ रुपये, मेथी, पालक ५‎ रुपये प्रति जुडी विक्री झाली.‎