आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:राष्ट्रीय सेवा योजनेचे शिबिरार्थी जळगावात देणार मतदान‎ जनजागृती; बालविवाह प्रतिबंध, जलव्यवस्थापनाचे धडे‎

जालना24 दिवसांपूर्वी
  • कॉपी लिंक

युवकांचा ध्यास ग्राम-शहर विकास‎ ही संकल्पना घेऊन रामनगर येथील‎ जालना समाजकार्य‎ महाविद्यालयातील राष्ट्रीय सेवा‎ योजना विभागाचे शिबिरार्थी‎ जळगाव (ब्राह्मणखेडा) येथे ५ ते‎ ११ जानेवारीदरम्यान ग्रामस्थांमध्ये‎ विविध विषयांवर जनजागृती‎ करण्यात येत आहेत. गुरुवारी‎ सकाळी ११ वाजता गावातून‎ प्रभातफेरी काढल्यानंतर शिबिराचे‎ उद्घाटन झाले असून पुढील सहा‎ दिवस लोकसहभागातून राबवण्यात ‎येणाऱ्या विविध उपक्रमांची माहिती‎ या वेळी देण्यात आली.

‎ पहाटे ५.३० ते रात्री ९.३० वाजेपर्यंत ‎शिबिरार्थींची दिनचर्या निश्चित‎ करण्यात आली असून यात योगा, ‎ प्राणायाम, ध्यानसाधना, प्रार्थना, ‎ ‎ स्फूर्तिगीते, खेळ, मनोरंजन, गाव‎ भेट व चर्चा, व्याख्यान, लोकगीते,‎ पथनाट्य, सांस्कृतिक कार्यक्रमांचा‎ समावेश आहे.

यात ६ जानेवारी‎ रोजी बालविवाह प्रतिबंध या‎ विषयावर अॅड. कल्पना त्रिभुवन, ७‎ जानेवारीला मतदान जनजागृतीवर‎ नायब तहसीलदार दिलीप एस.‎ सोनवणे मार्गदर्शन करतील. ८‎ जानेवारी रोजीच्या आरोग्य शिबिरात‎ डॉ. आशिष राठोड, डॉ. प्रीतेश‎ राठोड, डॉ. प्रीती राठोड आरोग्य‎ तपासणी करणार आहेत. ९‎ जानेवारी रोजी आधुनिक‎ ‎ ‎ सत्यशोधक, महामानवांची वाणी‎ आणि गाणी प्रा. डॉ. अनिल मगर हे‎ सादर करतील. १० जानेवारी रोजी‎ जिवरेखा नदी, चला जाणूया नदीला‎ अभियानचे समन्वयक विष्णू पिवळ‎ हे जलसाक्षरता व पर्यावरण‎ संवर्धनाचे महत्त्व विशद करणार‎ आहेत.

११ जानेवारी रोजी दुपारी ३‎ वाजता महाविद्यालयाचे प्राचार्य डॉ.‎ राजकुमार म्हस्के यांच्या‎ अध्यक्षतेखाली समारोप होणार‎ आहे. या वेळी सदाशिव भुतेकर व‎ शंकर वायाळ यांची प्रमुख उपस्थिती‎ राहणार आहे. दरम्यान, या शिबिरात‎ सहभागी होण्याचे आवाहन‎ संस्थापक अध्यक्ष डॉ. संजय लाखे‎ पाटील, प्राचार्य डॉ. राजकुमार‎ म्हस्के, कार्यक्रमाधिकारी प्रा. सुधीर‎ गायकवाड, डॉ. नरसिंग पवार, डॉ.‎ प्रवीण कनकुटे, डॉ. मीना बोर्डे, डॉ.‎ मधू खोब्रागडे आदींनी केले आहे.‎

शिबिरातील उपक्रम असे‎
जनजागृती रॅली, मतदान जनजागृती, बालविवाह प्रतिबंध,‎ जलव्यवस्थापन, ग्रामस्वच्छता, अंधश्रद्धा निर्मूलन, आरोग्य शिबिर, योगा,‎ वृक्षारोपण, शोषखड्डे तयार करणे, पर्यावरण संवर्धन, महिला सक्षमीकरण,‎ व्यसनमुक्ती, व्यक्तिमत्त्व विकास आदी उपक्रमांचा समावेश आहे.‎

बातम्या आणखी आहेत...