मोर्चा‎:बोगस नोंदणी रद्द करा, खऱ्या कामगारांना न्याय द्या

सिटू सलग्न लाल बावटा बांधकाम‎ कामगार संघटनेचा मंठा येथील‎ भारतरत्न डॉ. बाबासाहेब आंबेडकर‎ चौकातुन तहसील कार्यालयावर‎ धडक मोर्चा काढण्यात आला.‎ यावेळी शेतमजूर युनियनचे‎ राज्याध्यक्ष मारोती खंदारे यांनी‎ आंदोलनाला पाठींबा दिला. त्यावेळी‎ त्यांनी सरकारच्या धोरणावर‎ सडकून टीका केली. आंदोलनाला‎ पाठिंबा दिला. नायब तहसीलदार‎ संजय शिंदे यांनी निवेदन स्विकारले.‎ निवेदनात म्हटले की, ग्रामीण भागात‎ ग्रामसेवक खऱ्या कामगारांना‎ प्रमाणपत्रावर सह्या देत नाहीत, परंतु‎ दुसरीकडे कामगार नसलेल्या बोगस‎ लोकांच्या नोंदणी होताना दिसत‎ आहे, दलालामार्फत नोंदण्या सुरू‎ आहेत.

बोगस नोंदणीला आला‎ घालण्यात यावा. असे म्हटले‎ खालील मागण्या करण्यात आल्या.‎ बोगस नोंदणी रद्द करून खऱ्या‎ कामगारांना न्याय द्या., नोंदीत‎ कामगारांना दरमहा भोजन अनुदान‎ खात्यावर द्या., नोंदिकृत‎ कामगारांच्या दोन पाल्यांच्या लग्नास‎ प्रत्येकी २ लाख रुपये सहाय्य द्या.‎‎‎‎‎‎‎‎‎‎‎

अपघाती मृत्यू झालेल्या‎ कामगारांच्या वारसांना ५लाख रुपये‎ मदत द्या.,कामगारांना घरकुलाचे‎ वाटप करा. या मगण्या करण्यात‎ आल्या.यावेळी लाल बावटा‎ बांधकाम कामगार संघटनेचे सचिव‎ ॲड. अनिल मिसाळ, तालुकाध्यक्ष‎‎‎‎‎‎‎‎‎‎‎ नंदकिशोर प्रधान, अर्जुन वाकळे,‎ सर्जेराव बरसाले, उत्तम उघडे,‎ बाबासाहेब पाटोळे, सलीम शेख,‎ सुंदर प्रधान, विलास कांबळे,‎ रामदास कुडलवड, कचरू बिलोटे‎ यांच्यासह मोठ्या संख्येने कामगार‎ उपस्थित होते.‎