गणपती परिवाराचा सामाजिक उपक्रम:मोतीबिंदू निष्पन्न झालेल्या नेत्र रुग्णांवर मोफत शस्त्रक्रिया करणार : देशमुख

येथील श्री गणपती टेक्निकल इन्स्टिट्यूशनमध्ये नेत्र तपासणी शिबिर संपन्न झाले. यात २१३ रुग्णांची तपासणी करण्यात आली. त्यामधून ८४ जणांना मोतीबिंदू असल्याने लवकरच त्यांच्यावर मोफत नेत्र शस्त्रक्रिया करण्यात येणार असल्याचे काँग्रेसचे जिल्हाध्यक्ष राजाभाऊ देशमुख यांनी सांगितले.

भोकरदन येथील जनविकास शिक्षण संस्था संचलित श्री गणपती टेक्निकल इन्स्टिट्यूशन भोकरदन व लायन्स क्लब रूग्णालय, चिखलठाणा औरंगाबाद यांच्या संयुक्त विधमाणे भोकरदन तालुक्यातील नागरिकांचे मोफत नेत्रतपासनी व शस्त्रक्रिया शिबीराचे आयोजन करण्यात आले होते. या मध्ये एकुण २१३ रूग्णांची नेत्र तपासनी करण्यात आली. त्यापैकी ८४ रूग्णांना मोतीबिंदू झाल्याचे निष्पन्न झाले. लवकरच औरंगाबाद येथील लायन्स क्लब चिखलठाणा येथे मोफत नेत्र शस्त्रक्रिया करण्यात येणार आहे.

यावेळी गटशिक्षणाधिकारी कार्यालयाचे शिक्षण विस्तार अधिकारी दळवी, प्राचार्य रोजेकर, डॉ. काळे, प्रशासकीय अधिकारी सोपान सपकाळ, प्रा. डॉ. विश्वास तळेकर, एच. व्ही. नागरगोजे, रोषण देशमुख यांची उपस्थिती होती. शिबीर यशस्वी करण्यासाठी रमेश जाधव, पंजाबराव देशमुख, हमद अलमोदी चाऊस, गुणरत्न मगरे, नागेश घुगे, दिलीप जगताप, विष्णू भालेराव, काळे, ठाले यांनी परिश्रम घेतले.